♦️2020年 8月23號♦️ 晚上我聽見狗狗 Cooper 抖氣好大聲！感覺一定有啲問題出現， 諗住觀察幾日，點知情況冇改善， 然後有一日，我摸佢個頭同頸， 摸到頸上面嘅淋巴已經發到好大！ 即刻book醫生睇！
♦️2020年 8月28號♦️ ，醫生已經初步確定佢係應該有淋巴癌😢
我哋問醫生通常咁嘅情況仲有幾耐命，醫生話如果乜嘢都唔做，可能得幾星期😭 食類固醇，可能有幾個月 😫如果身體情況許可，做化療的話，可能有多 12至18個月😢
知道咁嘅情況，嗰刻真係晴天霹靂！心裏面諗， 點會咁㗎！ 點會嚟得咁突然？ 我仲有好多嘢想同佢一齊去做， 亦都好多自責嘅感覺，覺得點解冇早啲幫狗狗發現呢個病？ 又或者係咪有啲乜嘢自己做得唔好，令到狗狗有咁嘅情況？
♦️2020年 9月1號♦️ 我哋立即帶狗狗去專科嘅獸醫醫院去見癌症科醫生。 做曬所有檢查之後 確定Cooper 係患上了淋巴癌。。。
醫生話Cooper 應該是癌症第五期了， 而且 cancer 嘅毒素好高, 要即刻做化療保命。
♦️2020年 9月2號♦️ Cooper第一次做化療, 好感恩 Cooper做完第一次化療, 情況已經有好明顯嘅康復！ 即刻精神咗好多！ 胃口亦好好！
醫生話通常淋巴癌復發嘅機會都好大！ 所以 我哋大家都好珍惜同Cooper可以繼續見面生活嘅日子。 買多啲生日蛋糕同俾多D Pizza 皮佢食。。
其實我覺得呢個係上天畀多一次機會我哋好好珍惜同愛Cooper.
我自己亦有自我反省, 覺得自己生完馮寶寶之後好似冇咁關注Cooper同Enzo, 亦有可能因為咁，令到佢哋唔開心， 其實狗狗會感受到的，當佢哋被忽略， 或者唔開心，都會同人一樣可能會病。
亦有一個靈性角度嚟睇， 可能狗狗會覺得自己嘅使命已經完成， 我哋已經唔需要佢，所以係時候去彩虹橋。。。。
所以上天現在畀多一次機會我去好好珍惜， 我都會盡我一切能力，將時間同愛分配得更加平均。
Cooper 將會要做為期六個月嘅化療，每星期做一次！ 希望一切順利！
感謝上天，給我們多一點時間！😭❤️🙏
@enzocooper #cancer #dogcancer #lymphoma #淋巴癌 #狗狗淋巴癌 #狗狗化療
#alaskanmalamute #malamute #husky
