🎤沉溺需要深 需要一種氣氛 記憶需要真實動人的質感🎤
除左去輕井澤外，今趟旅程同時都去了年頭旅遊雜誌才介紹的地方－日立海濱公園🌊🌊
日立海濱公園係茨城県（いばらきけん）是離開東京都的鄰近地區，搭JR常磐線（特急）大約80分鐘左右就到勝田站落車。勝田站好有舊區感覺，勁似上次到光之丘（ひかりがおか）一面住宅，車站附近是集中商場食肆。車站一出落巴士站，丫仁第二次係日本搭巴士，當然同香港完全不同。🙄🙄🙄
其實好多旅遊書都有講過點搭巴士，但香港人又幾多鍾意刨字呀！我都唔例外，還是用點列式會比較易記入腦。再長氣多次，介紹點搭巴士。
（1）係巴士中門上車（即香港巴士的出口位置）門後有個整理券的東西，按人數攞幾多枚吧，D部野厲害呀！可以COUNT埋每日人流量。
（2）整理券要袋好，券上號碼成為你收費的認證。
（3）入座睇風景，到日立海濱公園車程約15分鐘，有兩個出口！想睇海邊吹海風既，係終點日立海濱公園【南口】，我地主要睇波波草，所以係早兩個站的日立海濱公園【西口】落車
（4）根據車前的指示板，按整理券號碼，付適當的車資（約400円）大紙幣不收，最好用銀仔。
（5）張整理券＋車資一併放入橙外付款箱內
（6）多謝乘搭，我地好樂意為你服務
入場又要收費，成人收410円，印象中小童長者210円。最開心係係門口都見到好多人帶埋狗狗入公園。海濱公園好大，視野好廣闊，全無壓迫感，高樓大廈！我地沿住地圖，同人流方向走，實無死啦！！有好多日本本地LOCAL TOUR呀！我地混入左人堆，行10分鐘左右就到波波草地帶～
一片紅海花海相隔，好懷疑波波草點解係紅色？！係咩植物黎架？邊個發現D個咁遠離塵囂的位置？！？！好多攝影師SET行裝備，影靚相！！
有一點要「強烈」注意🚫進入波波草堆內🚫我都明想影FUNNY相，但真係有日本人罵先要提提大家！！🚫進入波波草堆內🚫保護生態環境！
行到草堆中段有個平安鐘，應該同船有少少關係，唔理3721敲左先～幫我兩拍照的日本人得知我們是香港人，都好驚訝說我們好有錢？！大概是山長水遠入到來吧～沒有PASS都要5300円單程，暫時外地遊客得我地四個。
沿上山路老媽不停撩狗狗玩，可能媽咪有貓味，終於佢俾隻熱情狗狗睇上，幫佢洗面～哈！片要遲D先上載吧！
PS：話說上次跟朋友鬥氣，說要到高尾上賞🍁紅葉🍁時不再飄浮，要型棍點做手倒立。見有大空地，又有表表同我癲就試一個當熱身。希望下次可以做一個完美十分倒立。
查左字典，コキア是一種叫「箒木」夏天是綠色，秋天莖會變成紅/粉紅色的植物，下年應該會有好多人冒名而來吧？！
#工作遊記 #大丈夫 #丫仁 #日本工作假期 #日本 #東京 #working #holiday #工作假期 #期間限定好友 #香港人 #廣東話 #箒木 #コキア #波波草 #日立海濱公園 #茨城県 #整理券 #勝田 #常磐線 #紅葉 #西口 #南口 #JR
狗狗幣廣東話 在 點解買狗狗幣Dogecoin? 蝕咗2萬美金｜廣東話 - YouTube 的推薦與評價
購買Museum of Doge NFT藝術品:https://opensea.io/collection/museum-of-doge #柴狗幣#NFT # 廣東話 加密貨幣# 狗狗幣 #柴犬幣今日同大家講一下我買狗狗 ... ... <看更多>