大台劇集公式之一：又有錢又好人反而俾女飛
在一般人的世界中，又靚仔、又有錢、又好人和又細心的男士，俗稱筍盤或鑽石黃老五，是女性夢寐以求的對象，見到這種稀有品種出現，簡直要撲上去施展MMA鎖技，鎖住佢一世。不過，在大台的劇集世界，這種完美男士，往往去到談婚論嫁階段，最終都係俾女主角飛左，得不到美人歸，仲要好鬼好心去祝福人，真是替他們不值。
連續三套劇，包括《失憶24小時》、《大步走》和剛剛大結局的《愛美麗狂想曲》，都係用同一公式去搞三角戀。《失》劇中，譚凱琪到大結局前一集，都一直嫌棄郭晉安係件「爛泥」，又有案底又無固定職業，絕對不能養活她和兒子，醫生吳嘉樂的出現，完全係有錢、好人同細心，符合她的要求，所以很快去到談婚論嫁階段，點知最後因為一條YouTube片，唔知邊個咁得閒，追幾條街影住郭晉安抱譚凱琪去醫院，令她好感動，即刻放棄她同個仔的前途，同郭晉安復合。點解咁無厘頭，鬼叫家樂仔唔係主角咩！
《大步走》的姚子羚，又係同CEO兼富豪胡諾言去到求婚階段，終於因為一隻狗走失，狗場笪地問題，覺得大家理念唔同分手，然後選擇曾經婚姻失敗，改過自新的跑步教練陳山蒽。《愛美麗狂想曲》又係一樣設定，千億富豪之子何廣沞，又係靚仔、有型、體貼、專一⋯的完美男人，毫不介意年齡差距，熱戀Ali，最終因為Ali心中有另一個人，千億新抱都唔做，寧願走遍天下等陳豪表白，相信何廣沛失敗的原因是因為講英文無假音。
套套都係這條公式，證明有批觀眾好鍾意睇，去到百看不厭地步，市場供求問題，創意唯有擺埋一邊。不過，現實中當年飛甩洪天明，去了做千億新抱的徐子淇，違反了大台公式，又得到好多人羨慕喎！
#有錢靚仔俾女飛 #天理何在 #撞完人又撞橋 #千篇一律
狗年齡公式 在 狗年齡自然對數在PTT/Dcard完整相關資訊 - 萌寵公園 的推薦與評價
專家提全新公式：別再乘7 - line today2019年11月19日· 舉例來說，若狗狗今年2 歲， 2 的自然對數為0.69 ，把0.69 乘以16 等於11.04 ，再把11.04 加上31 ，將小數點第二位 ... ... <看更多>