《體操女王（46歲）》
奧運，有人睇運動，亦有人睇美女，幾個男性群組都不約而同分享各國佳麗，啊唔係，係健兒，為左令佢地熱烈既情緒降溫，我介紹左佢地睇一個體操運動員，仲要係烏茲別克選手。
嘩，東歐，體操，一班男人應該好期待我既關鍵詞介紹，但可惜，一如以往，我發得既都唔係佢地心目中想要既。
如果三十年前有IG，佢應該都係100萬粉絲級別，可惜，IG遲左三十年出現，今日呢位體操選手，已經46歲了，佢叫奧克薩娜·丘索維金娜。
我諗大家印象中既體操選手，都係好年輕，甚至係20唔到，而企係場上既佢，唔識既以為佢係教練多過運動員，但佢係1992開始，到今日2021年，參加左8次奧運會，咁多年，佢拎過一次奧運金牌同銀牌。
四十六歲既體操選手，係生理上絕對唔係最好既年齡，甚至已經超齡好耐，要企係場上，同一班比自己年輕一半既對手同場較量，係需要幾大勇氣？
有人覺得，年齡好緊要，大家都會分出，咩年齡要做咩事，你過左最好既年紀，就安安份份做返你年紀應該做既事啦。
但年齡真係咁重要？奧運年紀最大既選手，係六十六歲既澳洲馬術老將，ok，馬術年齡體能唔重要，咁帆船呢？要體力掛。
其實有唔少報道講佢，但以我所睇，佢地既關注度真係連熱門佳麗，唔係，係選手既十分一都無。
睇返哥倫比亞二十一歲射箭美女，IG 125萬關注，而烏茲別克四十六歲體操媽媽 IG 9.5萬關注。
每個人都有唔同喜好，追逐美麗既事物，睇俊男美女靚相，自然係賞心悅目，可以令自己係繁重既生活壓力下得到釋放；但亦有唔少有意義，有內在既事物，等待你去發掘，或者你唔會一眼睇完就放鬆，更可能要用時間同思考先可以睇到佢真正既漂亮，介紹返，希望你地有時間了解下。
為左支持體操媽媽，我即時追蹤左佢；我再望向哥倫比亞既二十一歲射箭美女，年輕同成熟，外在同內在，我嘆左一口氣，小朋友才做選擇。
－－－－
支持作者：
依家我推出一個回水計畫
購買《老婆最後的十二個難題》，98蚊，運費自付，如果睇完你覺得唔值98蚊既，我退款比你，退幾多你話事，最多98蚊全退，免費送比你，運費我就唔會退喇！
購買連結：
https://bit.ly/3fL9QUH
此計劃適用於較早前已購買的讀者，你地要回水隨便出聲！
我唔想因為價錢既門檻令大家錯失左一個好故事，反正蝕我就預左，Nothing to lose
講既就係咁多，Whatsapp電話9616 7814 （書展期內不定期回覆）
熱門佳麗 在 喜愛視頻俱樂部- 兩大熱門佳麗慘遭淘汰！1號佳麗梁允瑜表示「十分 ... 的推薦與評價
HK NEWS兩大熱門佳麗慘遭淘汰！1號佳麗梁允瑜表示「十分震驚」 王嫿嫿淘汰成為網友「意難平」 August 23, 2021 - by admin - Leave a Comment 早前2021亞洲小姐選美 ... ... <看更多>