上次出咗新蒲崗返工之友必食5間飯堂，唔少人Inbox或暫留言話俾我地知佢地嘅心水飯堂，今次出到第2,唔知大家又有冇食過呢？
豆漿大王
2019《米芝蓮指南香港澳門》其中一間就係豆漿大王，雖然係米芝蓮，但價錢唔貴好平民。麵食嘅湯底都落足心機整，就算唔加$6轉湯底都好好味！不過加咗就更好味！酸辣湯底足料味道正、肉燥拌麵微辣好惹味。大食嘅朋友單係食麵未必夠，叫多個粢飯，油炸鬼脆卜卜，勁正！
推薦：脆香雞翼轉酸辣湯麵（$6) 包冷熱豆漿 $43
肥仔銘茶餐廳
肥仔銘睇落同普通茶餐廳冇咩特別，但佢地嘅炒飯炒粉就零舍唔同，特別夠鑊氣。全部都大大碟！
推薦：XO揚州抄飯 $60
賢友茶餐廳
細細間嘅賢友，普通茶餐廳嘅餐都有，都幾好食。但最值得推介嘅係佢嘅手打牛肉漢堡，味道幾好只需$26, 加多$5就有一份薯條山！
推薦：芝士牛肉漢堡包＋薯條 $33
旺仔記食堂
唔係大街個頭嘅旺仔記就咁睇細細間，但行入去先知好大間，有唔少司機地盤都係個度食。有好多款嘢食任君選擇，味道不俗！
推薦：泰式冬陰公豬扒酸辣米粉 $32
聚寶海南雞
曾經獲得過米之蓮推介食府，招牌的海南雞可以話最熱賣。無骨海南雞雞肉好滑，配埋油飯一流，仲有酸蘿蔔絲唔會食到好膩。一坐低就會有老火例湯飲，但飲嘢就要加錢。
推薦：招牌去骨海南雞飯 $48
大家仲有冇其他心水餐廳，歡迎留言Share！
#佬假期
----------------------
更多麻甩地道娛樂資訊
盡在 @佬假期 Lo Holiday
www.loholiday.com
澳門骨堡價錢 在 澳門骨煲2023-精選在Instagram/IG照片/Dcard上的焦點新聞和 ... 的推薦與評價
吃火锅必备之冻豆腐，前天丢冻箱里的，切砣，蛏子洗干净外壳。 少许辣椒 ... 澳門骨堡- 網友評價、價錢與訂位地址, 台北市中山區美食- 愛食記. ... <看更多>