讀者投稿《傳統固執奶奶篇》
其實我一直都有留意各大論壇嘅婆媳關係版，一直都覺得自己好好彩，老公唔係豬隊友 6299都唔算太麻煩 大伯姑仔都係好相處嘅，但點知真係俾我個fd講中左⋯⋯坐月先真章⋯⋯
簡單交代一下，本來我地唔係同奶奶住，係我有左之後，佢話要裝修屋企，所以搬左過嚟住個兩三個月，裝修完就返返去啦 。因為住唔慣，只係喺某年某月某日通知我，我坐月嗰時會搬過嚟住幫我坐月。
當時覺得之前住過一排都無問題，同埋佢都唔係問我啦，都費事say no要老公難做，咁當然真係坐月個時先知大檸樂，真係少女我太天真啦！ 本來我都諗住忍一忍就算，都無諗住要上嚟呻，但今日發生左單嘢真係忍唔住要爆一爆。
話說係我未到十二朝，佢有日無啦啦捉住我談心，同我講做女人要俾面老公，要尊重夫家，所以要帶呀女去拜男家祖先，仲有佢要帶呀女返去佢屋企拜祖先，咁佢傳統思想我都理解 ，而我屋企都唔會叫呀女去拜山，所以呢樣我都無所謂。
至於去佢到拜我當時仲好好咁同佢講滿月嗰時可以，咁後尾發生左一連串麻煩嘢，最後佢又改口話呀女太細唔好周圍去，等佢再大啲先去佢到拜。
咁等到最近呀女大個啲，硬正啲，我就諗住帶佢去見我婆婆，話晒而家99仲係我到住緊，咁咪同佢講聲 ，點知佢即刻黑晒面咁話，唔係講左一日未拜祖先一日都唔可以去咩？
我即刻話去見我婆婆咋喎，唔係去拜祖先喎。但99好似咩都聽唔到，一直係到話都講左未拜祖先唔可以，我老公即話咁復活假呢幾日搵日返去拜囉，佢又即話唔得要百日！咁老公都好好咁同99傾，咁講真我只係帶呀b去見個長輩，哄下老人家開心
，又唔係去拜祖先或者做啲咩習俗儀式。但99就堅持咁係唔ok
，因為佢地傾嗰時係樓上，所以係樓下嘅我唔知確實內容。
但我估都係話我咁做係唔尊重男家，唔尊重6299，嘈左一輪，佢又係含住兩泡眼淚企埋一二邊，勁委屈咁篤手機。
總之場面都攪到幾薑，咁我唯有同老公講算啦，都唔差在嗰幾日，我唔帶啦。99話咩就咩啦，唔好攪大件事啦(老公當時想搵62)
咁我唔知99同邊個通完訊啦，最後嗰結果我都滿意嘅，成功可以帶呀B返去婆婆到，99又提早搬返去屋企住。當然都係要拜左祖先先。。。
＃我的極品四大長老
滿月 幾 點 拜 祖先 在 女兒滿月拜祖先在PTT/mobile01評價與討論 - 殯葬禮儀資訊集合站 的推薦與評價
滿月拜祖先 要準備什麼在【節慶活動】代表新生喜悅的「做滿月」怎麼做？的討論與評價 ... 至於如何祭拜神明、祖先與床母呢？通常會準備麻油雞酒、油飯、紅蛋、牲禮水果與酒水 ... ... <看更多>