😛 好好玩
梁詠琪表示「有人」不滿彭導飾前男友
Gigi：「蝕底晒！」
湯加文衣著火辣客串一角 大曬長腿
由彭浩翔執導之賀歲片《恭喜八婆》眾星雲集，早前探班時就正在拍攝身穿軍裝的梁詠琪（Gigi）與戲中好友陳逸寧（Isabel）在爭執的戲份，當時Gigi就透露導演彭浩翔將會飾演自己的前男友，十分期待故事發展。
早前前度終於再碰頭，劇情講述Gigi與好友陳逸寧在街上碰見前男友拖住衣著火辣的現任湯加文（Carmen），忍不住上前質問他是否曾搭上自己好友。戲中彭導態度輕挑，更輕撫Gigi的臉，現場十分搞笑。
但原來對於導演出演前男友，Gigi就表示「有人」不滿：「我啲粉絲知道導演扮我前男朋友，就留言同我講上次《香港仔》就滿足咗導演睇我沖涼嘅慾望，今次又做前男友，好似每次拍佢嘅戲都會蝕少少咁。」不過Gigi就再補充，其實都好開心，因為戲中可以不停鬧導演，更沒有為遷就導演而穿平底鞋：「其實佢搵我做前女友，都係突顯佢矮過我啫。」
而飾演現任女友的湯加文就身穿熱褲Bra top登場，展示長腿及美好身段。Carmen話能夠參與拍攝都感到非常開心，好期待見到成品。導演上載他們的自拍時她更搞笑留言話：「整到咁白，唔見咗個雞心啦。」
