非常感人的分享!
其實一張簡單的母乳照片 ，背後真係有血有淚!
每一個畫面背後都有佢動人的故事，充滿著愛和堅韌的心。
非常鼓勵大家，餵哺母乳，你們是最棒的!
[生活點滴] 親密時刻
AnsonBooBoo🐥總是期待著爸爸媽Mi放工回家，而佢特別掛住媽Mi，因為有一種需要、有一種滿足、有一種親密，只有媽Mi能夠比到Anson♡亦只有Anson能夠比到媽Mi
媽Mi陀住Anson嘅時候，就已決定要成為母乳媽媽，不過因為唔知自己身體情況如何，就先定下最少餵哺一年半嘅目標 [根據世界衞生組織建議，寶寶出生最初6個月全吃母乳，並繼續餵哺母乳至2歲或以上]
印象中自Anson識行識走呢半年來，每晚媽Mi放工返到屋企，佢都會自己爬上床/拖媽Mi入房然後自己爬上床，等埋身歎媽媽奶🍼仲要至少10分鐘 😅 媽Mi最鍾意望住Anson歎奶嘅樣仔 (合埋眼睛、望住媽Mi、滿足微笑、邊歎邊講BB話等)
回想Anson初生時不懂吸啜，肚餓時心急要飲奶奶(Anson十幾日人仔已可以幾分鐘chur晒3安奶)，加上媽Mi因生產後恥骨聯合分離，起身、坐低、躺著轉身都痛到不得了，不能親餵 😢 然後又因為太攰太懶，泵奶次數唔夠，自然影響上奶。所以Anson有泵出黎嘅媽媽奶就飲媽媽奶，無的時候就飲配方奶🍼
之後媽Mi身體慢慢恢復過來，一邊與Anson繼續嘗試埋身，一邊頻密泵奶，最瘋狂追奶嘅日子應該係已回到工作岡位，一日埋身加泵奶次數有8~9次😯 奶量有增加，但依然未能滿足Anson一日嘅需要
支持母乳餵哺嘅媽媽都有點瘋狂，甚至可以話係走火入魔 (媽Mi覺得Anson爸爸應該有咁諗過) ! 因為無論身在何地，工作有幾忙，超級眼訓，生病嘅時候，都要定時親餵/泵奶，當中更是有血有淚 : 乳腺炎發燒、塞奶有硬塊、比BB咬、泵奶整損等等，相信母乳媽媽都會經歷過
Anson由初初抗拒 (因為milk flow慢過奶樽又肚餓而喊到飛起)，到後來願意吸啜 (仲識自己轉邊)，到而家超級鍾意埋身 (滿足心靈需要為主)，能否成功持續餵哺，真係好視乎媽媽有幾想餵，決心有幾大!
既然媽Mi有能力將呢份最好嘅禮物🎁送比Anson (雖然未能做到全母乳，但多多少少總能夠比到Anson)，就盡力啦💪🏻💪🏻
今日Anson滿20個月啦，呢個🍼任務媽Mi已超額完成😎 感謝老公默默嘅支持、奶奶&咪咪嘅愛心燉品/湯水、Anson太嫲嘅燕窩/雞精、上司Alsa嘅體諒、家人朋友嘅鼓勵和肯定、Helper Auntie May嘅照顧😘 仲有「母愛蜜語」媽媽們嘅經驗分享
其實媽Mi心情好矛盾😩 想停又唔捨得同Anson嘅親密時刻🤱🏻為左保持僅有嘅奶量 ，媽Mi仍然每日擠1次奶 (每日產量只20~50ml🍼)
Um…都係過埋今年先算啦😅
Photo by MaryK.Photography
#多謝大家嘅時間 #母乳媽媽 #母乳寶寶
泵奶次數 在 【如何縮短泵奶時間 但反而奶多左 營養又多左 】 媽媽問 的推薦與評價
仲有半個月返工, 好想keep住比BB飲母乳, 應該點做?」 「15分鐘泵奶時間，泵出滿滿1餐奶」傳送門 https://bit.ly/ ... ... <看更多>