《 蕭規曹鎚 》
以前嘅章回小說, 通常都有兩句內容撮要,譬如《水滸傳》第七回：「花和尚倒拔垂楊柳 豹子頭誤入白虎堂」
所以今日嘅故仔我都要玩下嘢,這一回：「十九才子火燒山 李懂媽抽水救火」
首先,我絕對有資格評論呢兩位香江才子,因為佢哋都係本欄忠實讀者,證據如下：
2019年11月19號, 陶傑使出一招「猴子偷圖」,睇完我篇文章未經本人同意擅自攞咗一張我私人嘅照片擺喺佢個post, 我係同年11月20號已經發出嚴正聲明保留追究權利！
2020年8月中旬, 蕭若元喺佢嘅youtube頻道引述「李懂媽」調查報告（關於泛民去留）, 個人雖然冇反對, 但係亦都响8月26號畫清界線以策安全。
多年來19才子同燒山各有擁躉, 風格亦都係旁徵博引加些少搞笑, 今日我就公平公正公開評論「蕭規曹鎚」事件。
其實19才子（原名曹捷）同黃毓民亦都早有牙齒痕,不過世上冇永遠嘅敵人,最近兩個人已經揸曬爬。
過去幾年我都曾經插過燒山同19才子唔少次, 唔同意見唔緊要, 嚴厲批判唱衰對方亦都冇所謂, 不過唔好過咗火位。
事件起因最主要係陶傑用曲筆嘲諷中東難民, 燒山睇唔過眼, 又話要搵印度壯漢搞佢後面、又話將陶傑嘅文章翻譯成阿拉伯文廣傳畀中東伊斯蘭教徒,最近更加指19才子以前喺英國涉及刑事罪行（我未聽過呢段）.....所以19才子先至忍無可忍要發律師信。
利申, 從來反對任何傷害人身既言論, 乜嘢「搞人」行為無論真假我都唔接受, 就算以前網上有人或明或暗呼籲搞屈女士同佢屋企人, 我都曾經出po指責。
燒山一向高舉人道主義, 上次有女教師成功登上珠穆朗瑪峰, 途中冇停低拯救垂死登山客, 就畀燒山鬧到仆街, 某程度上, 我同意特殊（危險）情況會出現自身難保嘅狀況, 否則就唔會有「愛莫能助」呢句成語, 燒山似乎矯枉過正。
高舉還高舉、行動還行動, 燒山亦曾經公開講過, 成世人所有得益來自香港, 年輕人付出咁多, 佢鋪頭蝕本又有乜所謂, 就算因為爭取民主坐下監都應分....（大意）, 結果都係去咗台灣。
雖然當年呂麗瑤事件我完全企喺呂麗瑤一方, 19才子（同佢個劣徒林作）不停唱反調, 但單單就燒山不斷攻擊19才子呢件事嚟講, 我認為燒山過咗少少火位, 即係蕭犯規/理虧、曹有權用鎚仔揼佢。
不過告誹榜相信都係虛晃一招,唔係咁容易搵到所謂公道,大家都只係燒銀紙益律師。
所以本庭判決：文人相輕、自古皆然, 雙方每人攞兩皮嘢出嚟（當然係港紙）,由我發辦擺和頭酒, 4466傾掂佢, 無謂畀香港同埋台灣狀師賺。
退庭！
水滸傳內容大意 在 水滸傳內容簡介在PTT/Dcard完整相關資訊| 小文青生活-2022年1月 的推薦與評價
關於「水滸傳內容簡介」標籤，搜尋引擎有相關的訊息討論：. 水浒传（元末明初传为施耐庵创作长篇小说）_百度百科水浒传内容简介. 编辑. 《水浒传》主要描写的是北宋 ... ... <看更多>