「日本避難」
到日本旅遊嘅朋友，其實真係要考慮清楚先決定究竟住民宿呢？抑或住酒店？
地震發生時住酒店好啲，起碼有英文廣播，住民宿就驚啲，廣播只有日文。日本好多住宅都設有危難廣播，不過全部日文。除左地震時會有廣播外，所有危難時刻都會有，例如火警，不過都只有日文，如果唔識日文，喺民宿瞓瞓下，突然聽到屋裡面有把男人聲，好大聲咁重複講一句說話，唔好以為有賊或有鬼，好大可能係警報！
不過如果你選擇嘅係好舊式嘅民宿，就有機會連警報系統都冇，咁就更驚！
而民宿擺設未必完全安全，喺日本住宿，千其要小心唔好放啲雜物喺高處，以免地震發生時，啲雜物跌落黎，就會壓到自己。
酒店及高樓，避震會做得比較好，但如果震感真係嚴重，就最好走去空礦地方。（*避難場所/避難所）
日本嘅gas ，於地震**強度至5度時，都會自動停止供應，如果喺較強烈嘅地震發生時，唔需要急於將爐火按熄。處理其他逃生步驟更要緊。
發生地震時，
如果喺室內，記得先遠離窗戶及高大嘅傢具，以防佢哋破裂或倒下，而整傷自己，同埋搵張枱，躲藏喺枱下。
如果喺室外，記得遠離山邊、山斜面、廣告牌、及建築物等容易塌下嘅地方。
如果當時正身處升降機內，應將全部樓層按鈕按下，部𨋢一停，就立即逃離。如果未能打開𨋢門，就按下「非常ボタン」及使用𨋢內對講機向外面求救。
如果喺自動電梯上，應緊握扶手，再立即離開自動電梯。
如果身處電車/JR中，設勿離開車廂！小心置放於頭頂上嘅雜物(日本電車座位上大多設有空間放置公事包等物件)，攬實所攜帶隨身物，正站立嘅人，握緊扶手。
如果正身在超市/便利店等地，立即遠離置貨架，找出口，或躲身於cashier嘅枱底下。
以上係日本氣象協會網頁提供嘅防災建議，但亦有報告顯示，地震發生時躲於枱底下未必安全！有報導指出應找出「命の三角空間」：請參考附圖。
如果平日大家有留意日本嘅建築，應該會見到大廈(五層高以上)外會設置逃生樓梯，都係用黎危急時逃生之用。
如果不幸遇上災害，最緊要保持冷靜，有秩序地逃生，切勿慌張亂碰亂撞。
地震：地震 (Ji-Shin)
火警：火事 (Ka-Ji)
海嘯：津波 (Tsu-Na-Mi)
水浸：浸水 （Shin-Sui)
*避難場所：大公園/廣場之類嘅地方，可作暫時性嘅避難處，但不會提供飲料或食品等補給物。
避難所：小學、中學校舎等地方，可作暫時棲身過夜嘅避難地方。
**日本地震基本分為七級：
4級：垂下如吊燈之類物品，會見到大幅度擺動。高處雜物跌下。
5級：碗櫃或書櫃內物品倒下，未有固定嘅傢私傢具會移動。
6弱級：門可能不能開關，牆壁瓷磚及窗戶玻璃破損，或跌下。耐震性較低嘅建築物，瓦件會有機會倒下，建築物傾斜，甚至倒下。
6強級：不能站立，需要爬行才能走動。未有固定嘅傢具物件大多都會倒下。耐震性較低嘅建築物，大機會倒下。
7級：耐震性高建築物亦有機會傾斜。耐震性低鋼筋混凝土建築物亦大機會倒下。
圖片來自網絡
#日本 #日本旅遊 #地震 #災害 #日本自遊行 #民宿 #東京 #大阪 #北海道
機內廣播日文 在 [遊記] jr東日本長野站以及車長的的一再欺騙- 看板Japan_Travel 的推薦與評價