又有藝人宣布追 B 成功喇！陳山聰啱啱宣布老婆 Apple 有喜，恭喜恭喜！山聰話：「我老婆情人節好小會畀驚喜我，不過今年佢送咗份我最想要又好鍾意嘅禮物，感恩上天賜畀我哋一粒小蒜頭。2020我又多一個身份『陳爸』，我會努力好好保護同照顧你同媽媽，希望你可以健康快樂成長，今個情人節我哋一家三口，大家甜甜蜜蜜，身體健康，Happy Valentine’s Day」
今晚情人節，相信各位都費事出街揀喺屋企過，唔想咁快做爸爸媽媽，今晚記得安全啲喇！
2020年娛樂圈懷孕名冊
周勵淇&傅浤鳴（所屬組織：Apple 蘋果公司 iPad 系列）
原名”梁烈唯”、曾改藝名”梁烈維”、暱稱”唯唯”、讀音”唯萎”、英文名”Oscar”、曾被網民封為”負評王”、因於網上大讚華為手機而被稱”華唯”、新名”梁競徽”、新暱稱”競徽”、被網民讀成”勁廢”、被賜勇武新名”勁fight”、獲封”將軍澳清泉”、離奇榮升”正評王”嘅唯萎&老婆Tina（所屬組織：追究張繼聰行過無打招呼協會）
羅仲謙&楊怡（所屬組織：車廂進食雲吞麵研究會）
羅力威&雨僑（所屬組織：渣華道新城掉獎案嫌疑五人組 / 力威健身）
陳山聰&Apple（所屬組織：Crazy Runner）
