Search
#小店系列 $50鍋氣十足椒鹽豬扒炒飯
摸咗3次門釘
終於試到呢個傳說中嘅軟飯王椒鹽豬扒飯🥳
食呢個炒飯真係要有耐性
人手即炒只開晚市
閒閒地等1-2個鐘先食到
我就老細返到未開舖落定order
行陣街返嚟拎
就唔洗齋等得太耐🤗
急不及待拎咗盒飯
忍唔住趁盒飯熱辣辣
企街食咗2啖
炒飯粒粒分明
勁香蛋味
豬扒勁入味
好好味呀～～～😋
$50大大盒
堅係性價比好高👍🏻👍🏻👍🏻
又到Happy Friday!!!🥳🥳🥳今晚又要食三個飯！其中一間我又買咗元朗嘅軟飯王啊！💛🤩🤩佢嘅椒鹽豬扒炒飯我真係念念不忘，係我食過最有鑊氣嘅炒飯！😋今個月食到三次，真係好開心🥳另外仲淨買咗佢嘅辣爆豬柳😍賣飛佛！！
其他兩個飯分別係台式肉燥溏心蛋飯同埋普通雙餸飯，購自一間小店，唔記得睇佢個名😝不過都幾好食🤣 btw 我因最近忙到嘔冇時間剪片，沉寂左成個月，聽日終於出新片啦！請大家多多支持！😉🙏🏻
《元朗即叫即炒勁有鑊氣嘅神級炒飯。軟飯王》
之前睇蘋果訪問過呢個元朗叫嘅軟飯王炒飯已經超級想去食！可惜連續幾次都食唔到，第一次去嘅時候先至知原來Walk in要等一個鐘以上，因為太多熟客，而且得老闆一個炒，通常要預先打電話去落order🥲好👌🏼咁我第二次打過去啦，點知佢哋原來逢星期一放假，又食唔到😢連續幾次都唔成功之後今晚我終於食到喇😭因為佢係開5:30，我頭先真係乖乖提早6:00打過去，佢咁啱6:40有位我先買到㗎咋😅
.
呢間小店係響元朗大陂頭公園附近一間叫木頭車入面嘅一個外賣檔，入面有唔同嘅小檔口，軟飯王就係其中一檔，係由一對年輕嘅夫婦經營，至於點解會咁多人幫襯？冇他嘅，因為每個炒飯老闆都係逐個逐個用心去炒，睇訪問老闆每日只可以炒70個炒飯，工作勞損嘅關係佢中間曾經休息過一排，熟客詢眾要求下佢哋先至肯重出江湖，頭先去拎外賣嘅時候已經見到老闆繼續密密喺度炒，佢隻手仲戴曬保護手套🧤我諗係輔助令到雙手冇咁易勞損，所以呢啲真係辛苦錢嚟㗎。而老闆娘就響隔離幫佢備料落單收錢，好有夫唱婦隨feel，重點係一對夫婦服務態度超好，由我打電話落order到落嚟拎外賣佢哋都好有禮貌！👍我覺得而家係香港嘅食肆有咁好嘅服務態度實在少有，呢點真係要俾一百分💯佢哋，店面雖少小，但人情味勁濃🥰
.
好啦，講返d飯先啦🤪我點咗佢最出名嘅椒鹽豬扒炒飯（$50），一個叉燒炒飯（$50）同埋一份辣爆豬柳（$40），攞到個外賣返上車成架車都係椒鹽豬扒嘅香味，明明個外賣包到實，嗰種香味滲透簡直就好似榴槤放咗入雪櫃度滲到啲榴槤味出嚟咁勁🤣聞住炒飯嘅香味香着返屋企，勁肚餓！😋
.
首先試佢嘅招牌椒鹽豬扒炒飯，份量都真係幾多，上面有成6-7塊細豬扒，下面係一大盒嘅炒飯底，$50真係幾抵食，我諗女仔兩個人share一個都得，佢啲椒鹽豬扒炸得乾身得來又夠香，而且中間幾嫩，椒鹽味唔算好重但係勝在夠鑊氣！
.
再試佢啲炒飯，真係炒得粒粒乾爽均勻，蛋、蔥花、菜同飯嘅比例啱啱好，蛋汁幼細包住每一粒飯，炒飯呈金黃色，唔通呢個就係傳說中嘅黃金炒飯？😍而且炒得勁有鑊氣，諗返起個老闆不斷拋鑊的功架就知道每個炒飯點解會咁有鑊氣，每一啖炒飯都會食得出佢嘅誠意所在，真係好香好正！而且老闆堅持每個炒飯即叫即炒，仲要係逐個炒，長期日積月累咁樣不斷拋鑊炒飯，真係會造成勞損，難怪每日限量發售，真係買少見少啊！
.
雖然啲飯炒得比較乾身有鑊氣，但係阿哥就覺得太乾佢自己就唔係咁鍾意食咁乾身，口味嘅嘢因人而異，我反而好鍾意喎！炒飯就係要乾身同够鑊氣！😜
.
另外我哋加餸嘅辣爆豬柳又係另一樣值得推介俾大家嘅👍😍佢本身係有辣爆豬柳炒飯，如果就咁淨點豬柳小食就$40，份量都幾多有十幾條，豬柳够嫩唔會好乾，配啲指天椒同埋蒜簡直一絕，又香又辣，有避風塘嘅風味！一口豬柳一口炒飯簡直無敵呀！呢樣好驚喜😍
.
最後試嘅叉燒炒飯其實同椒鹽豬扒炒飯嘅炒飯底一樣，都係咁有鑊氣，只不過係加咗啲叉燒粒入去炒，不過啲叉燒粒就比較少😅下次我都係點返椒鹽豬扒炒飯同埋辣爆豬柳炒飯呢兩個招牌嘅炒飯就心滿意足啦😜
.
今次終於食到呢間軟飯王果然真係冇令我失望，講真$50一個咁大個炒飯即叫即炒够鑊氣又好味仲想點😋重點係我食到當中嗰陣人情味，兩公婆繼續加油啊💪好快我又會再返嚟幫襯㗎啦！😋
P.S 大家如果想去幫襯記得提早一小時打電話去預訂，5:30之後先至好打去，佢淨係做晚市咋，同埋星期一記得唔好打去啊，佢哋放假㗎🤣係有啲煩，不過食好嘢就要自己部署下㗎啦😅
店名：軟飯王
地址：元朗大陂頭徑14號福星樓地下6號舖
軟飯王，單是店名是令人留下深刻印象，吃它的炒飯更不得了，即使只是電爐，但炒飯粒粒分明，椒鹽豬扒惹味香口，難怪地點有點偏僻，但仍然有不少客人支持。
負責人阿洛，本在朗屏夜市推車賣炒飯，最近終於成功入鋪。他以炒成名，檔口只有三項選擇，幾乎人人都選椒鹽豬扒炒飯，香噴噴熱辣辣，$45已經分量十足；辣爆豬柳炒飯亦分量豪邁，辣椒幾乎鋪滿面，冬天深夜來一碗，誰也抵擋不了這美味。
既然以炒成名，自然要一嚐乾炒牛河，條條河粉都顏色均勻，不花巧卻美味。由於即叫即炒，加上客人多，平均要等15分鐘才能到，入夜後更往往要排隊，想吃就得留多一點時間了。
採訪：廖希玥
攝影：周義安
軟飯王
地址：元朗大陂頭徑福星樓地下元朗豐樂里6號
電話：從缺
營業時間：星期一至日 6:30pm-2am
詳情： http://bit.ly/2R2FSN0
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
