尋日喺商場，一入𨋢，就聽到個阿媽起勢咁喺度片個仔。
媽：「你去做保險？食懵你呀？讀完大學咁多嘢好做唔做走去做Sale屎？」
仔：「我唔係去做Sales呀！我係入咗保險公司做嘢呀！」
媽：「讀咁多書走去做保險？冇嘢吓話你？」
仔：「你咪以為保險公司得一類工啦好無？」
聽到呢度我就出𨋢嘞。
出咗𨋢，我一路行一路諗：點解個阿媽聽到阿仔去保險公司做嘢要咁大反應呢？
其實買保險都係為咗轉移風險，等萬一touchwood有意外嗰陣可以有合理賠償啫。喺呢度唔係想叫你買保險，但我諗個媽咪嘅反應，亦真係代表咗社會上某部份人嘅睇法，覺得「做保險 = 銷售」；首先就我唔覺得做前線有咩問題啦，另外就係，保險公司入面仲有好多中後勤工種，例如係再保險、理賠、核保、精算同保險科技呢啲職位，全部都係專業嚟，部分係要考到專業資格試先可以做嘅。不妨睇睇呢條片了解下吖。
了解更多：👉🏻 http://bit.ly/2Zn3xfV 👈🏻
#幕後專家 #保險業 #中後勤人員 #提升保險業人才培訓先導計劃
