我估我生完米後，有6年無去按摩。 因為膊痛頭，手痛，頸扯，食止痛藥都止唔到，physio無時間，唯有認命搵朋友個按摩師傅求救。
師傅話，人仔細細，你可以忍到咁耐先黎按。全部淤黑色。按左兩個鐘先頭無咁漲。
我話，我今日係真係頂唔順，第一次要搵姐姐幫我接放學，我送完返學飛的士過黎，時間得咁多，麻煩你幫我按鬆啲膊頭，手，等我可以繼續生活。
米媽今次之後要認真看待自己身體了。唔係點湊兩隻。 點繼續日常，
人係咪好奇怪，明明已有工人幫輕下，仲會咁。 正如長輩成日話佢地以前無人幫手都係咁湊，邊有你地咁幸福。 有人幫手仲周身痛。。仲要皮膚敏感，仲要做少少家務又主婦手。😂 身體唔舒服又唔係我想....所以米媽盡可能都唔做弱者。痛時收埋，都要照做架。邊有得好似做小姐咁，小小痛就話俾人聽。 個個呀媽都一樣，米媽知道唔只我一個係咁。🙌🏻
#人地個女
#可以按摩真係奢侈黎
#因為大把人連睇醫生都無時間
希望我可以愈黎愈硬淨，愈黎愈有能力，身體愈黎愈好，先可以擔起一頭家。以前既媽咪，奶奶都係一樣咁樣湊大啲小朋友。 米媽由做女，到嫁人，做老婆，做心抱，再到生小朋友做人媽咪，都係一步步學習，可能做得未夠好，但盡做。 希望有一日米媽可以搵到平衡點。 對自己好啲。對自己自私啲。唔係百應。
#有種攰有種痛有種扯住痛係你搵唔到人幫你手紓緩。 果種係幾無助下。
係媽媽們先明。
