【波哥時事台】
好多人唔鍾意去私家醫院睇醫生，就係驚私家醫院收費貴，入到去唔知埋單要幾多錢，但唔俾又唔得⋯⋯
政府就推出咗「提高私家醫院收費透明度」先導計劃，今年十月開始，有11間私家醫院自願參加咗呢個計劃，鼓勵醫院和醫生：
1.在病人做手術前，提供一個費用預算。（目前涵蓋24種常見及非緊急手術，包括結腸、痔瘡切除手術等）
2.鼓勵醫院在網站，公布主要收費項目。
3.鼓勵醫院在網站公布12種常見手術／程序的實際賬單收費，供公眾參考。（包括胃鏡、大腸鏡檢查等）
我十分支持呢個計劃，雖然依家只係「自願」參與，但都可以保障到病人，等病人有個預算，不致於喺出院既時候，要面對自己無預算過既收費。但係呢個計劃仍然有唔完善既地方，我今日喺立法會當面同食衞局既代表講：
1.依家嗰張預算收費表，係由醫生填寫，表格分兩個部份，一部份係醫生費用，一部份係醫院收費，但係呢部份應該由醫院填，唔關醫生事，搞到好多醫生不滿，得三成醫生有填到呢一格，搞到預算費用既功能大打折扣！
2.如果張預算收費表，有位置漏空咗，又或者得個大數，病人點知自己保險Claim唔Claim得足？
3. 私家醫院現時提供既手術收費資料並唔統一，有啲醫院就Show日間收費，有啲就包埋住院費； 又有啲包咗麻醉費用，有啲唔包，市民根本比較唔到
我希望食衛局，盡快理順上述既問題，市民唔舒服要睇醫生已經夠慘，好應該有更好既保障！
#有市民同我講 #有時驚入院要使唔知幾多錢 #呢個先導計劃應該幫到手 #希望盡快用法例規管 #唔再係自願參與 #而係一定要參與 #政府要把關 #Check真啲數
有時驚入院要使唔知幾多錢 在 急症室奇趣鹿- 醫療系統系列(一) 簡單介紹醫療保險... - 問問Dr ... 的推薦與評價
咁所以若果入院純粹claim照X光同啲藥錢(呢度可能幾百蚊，一千蚊內啦) ， 但係你門診係咪都要比診金， 可能都唔係慳到好多。 所以，留意下啲條款睇門診唔 ... ... <看更多>