《媽媽不停學》
好多時啲人知道我既職業後，
最常聽到嗰句就係：
「你一定好鍾意小朋友㗎啦!」
講真，淨係鍾意係唔夠㗎做呢行😏
不過今日唔係想講呢個話題，
呢個話題我哋下次再傾👍🏽

而係當係啲媽媽群組俾人知道我嘅職業之後，
最常聽到就係：
「咁你一定好識教小朋友啦！」
其實呢個真係一個誤解！
當然我唔否認有啲同行對教自己個小朋友真係有一手，
但呢個一定唔係我😂

做幼稚園老師，
對於幼兒發展係熟悉嘅，
對於小朋友咩年紀識做啲咩都係知道嘅，
但其實做起上嚟，
理論同實踐真係有差別架！
所以要成日睇唔同嘅書update下自己😅
當然書上面都係一啲理論，
但做人阿媽嘅梗係想將最好嘅俾對仔女，
所以就會睇好多針對性嘅書籍，
分開講男仔女仔嘅又會買，
分開唔同年齡嘅又會買😂
其實睇睇下，
有時候都會套落返班入邊嘅小朋友度，
發現原來男孩子真係唔同啲個喎，
而小朋友入學三歲又未做到啲三歲應該做到嘅嘢就會同家長講。
真係有相輔相成嘅關係！
*所以推介返仲喺度讀幼教嘅朋友，*
*又或者係想了解多啲幼兒發展嘅朋友，*
*市面上有啲育兒嘅書，*
*其實都好啱大家睇㗎👍🏽👍🏽*
趁呢段停課嘅期間，
增值下自己呀！
#停課不停學
#媽媽老師齊增值
#有時間放低個電話睇吓書其實都好放鬆
#睇住本書再睇住對仔女真係覺得講得好中
#VVinnie
