【月經杯好好用】
講明先張相係我一買返嚟就影，原裝未用過嘅，所以唔使覺得核突呀吓。關於月經杯用法網上太多教學，喺呢度就不詳述喇，今日主要講佢嘅好處同用後感，唔是廣告，我喺中環上樓鋪買嘅，$340左右。
1. 彷如無物 完全不焗促
用衛生巾棉面又焗，網面又痕，搞到周身唔聚財，但係用月經杯就無呢個問題，比棉條更舒適同衛生，反而棉條會有感覺，但係月經杯係完全無重！非常自在，更加唔會有痕或者敏感。
2. 經濟環保
環保呢一點非常重要，每個月都要用好多即棄式月事產品，但係月經杯係可清洗循環使用，方便環保之餘，慳唔少M巾錢呀。
3. 方便攜帶唔尷尬
我買呢一款係可以摺嘅，平時放定喺化妝袋，唔怕失驚無神M到無準備，帶去洗手間亦非常輕巧，唔會尷尬。
4. 可於運動時使用
M到攬住條片，搞到好懶好攰唔會想做Gym，但係用月經杯就可以好舒服咁做運動，著貼身褲都無問題。
5. 乾淨不滴漏
因為置入後會呈真空狀態，所以經血唔會滴漏，除非你第一次用或者流量十分十分十分十分十分多，否則可以放心，完全唔使再用護墊，當同平日一樣就可以喇！
6. 無味更清爽
有時換得幾密都好，始終都係噏住咗，總有少少異味，而月經杯就無呢個情況。
總結我覺得喺好多角度睇都比衛生巾優勝，不過放入同取出都需要少少技巧，對初用者係有一定難度。如果心大心細，記得上網睇多少少review再決定呀，呢啲嘢無話邊樣係最好，只有適唔適合自己啦。
・・・・・・・・・・・・・・・・・・・・・・・・・・・・・・
IG: BrenLui
facebook: BrenLui
YouTube: BrenBrenDaDa
月經杯用法 在 月亮杯用後有感#血腥慎入 - 女孩板 | Dcard 的推薦與評價
更新B181，/，之前聽說有月亮杯這種東西之後，一直都很很想使用看看，杯杯的類型大致分為，拉環（不可排液），跟管型（可排液），這兩種， ... ... <看更多>