【被HARDSELL文慎入】月亮星座係獅子座嘅我，其實有時會幾自負，成日會(基本上每日都會)質疑自己做得唔夠、唔好，所以極度需要被認同，每次得到讚賞都開心過攞獎。好感恩最近遇到不同嘅客人都好慷慨地分享對我嘅感覺，特別今次呢段長文真係令我好感動，覺得自己揀咗做「寵物攝影師」呢個方向係正確嘅😭！（歡迎各位客人滿意嘅話記得周圍同人講，如果有負評嘅話，麻煩細細聲同我講🙈😅🤣）
•
客人的話：「話說我真係一個非常揀擇嘅人，眼角超高，睇得上眼嘅唔多，好喜歡嘅更少，最怕最唔鍾意同人一樣，無疑奄尖腥門到極，所以連衫同飾物都好少同湯圓煎堆著。
第一次見到Tamara嘅相已經愛上，睇完佢個拍攝須知我就知道佢係我要搵嘅人，有要求，有態度，一睇就知道佢係過唔到自己交行貨嘅人，認定左佢，到直接落訂落booking，都只係幾個鐘內嘅事。
拍攝當日全個過程都感受到Tamara嘅專業，兩隻嘩鬼少見人，慢熱難入狀態，佢真係非常有耐性。每個場景都認真set up，視乎品種，寵物表現同狀態諗過度過同不斷調整。背景有道具嘅場景佢會一路影一路調動到佢滿意為止，同一個場景佢可以影到每隻寵物都唔同feel，張張都有自己靈魂，同隻隻去影都係一個位一個燈一個套路一條formula嘅倒模式嘅studio完全無得比，你去佢ig睇睇就會明我講咩。
你可能覺得佢唔平，我都會肉赤，但真心覺得物有所值。一分錢，Tamara俾十分心力，有啲野係錢買唔到。我好多謝Tamara為我兩隻心肝寶貝影左輯我會珍惜一世嘅相。好野要周圍同人講，極少sell野如我都忍唔住，未收唒相已經要大聲講俾大家知，因為我好有信心佢只會做得比我預期更好，大家知佢咩料啦！」
•
👉🏻立刻𝗙𝗮𝗰𝗲𝗯𝗼𝗼𝗸 𝗜𝗻𝗯𝗼𝘅查詢寵物攝影👈🏻
•
#寵物攝影師
#ALLISLOVE
#光影存愛心思若寵
#亂世中的一點甜
月亮星座查詢表 在 上升星座解析、月亮星座分析在PTT/mobile01評價與討論 的推薦與評價
太陽月亮上升星座查詢. 簡易月亮星座換算表： 1 2 3 4 5 6 7 8 9 10 11 12 農曆出生時白羊金牛雙子巨蟹獅子處女天秤天蠍射手摩羯水瓶雙魚29日18:30-02 ... ... <看更多>