已經有2年無安排生日慶祝活動俾奶油爸爸，仲係2人世界時，會一齊外遊/car camping/本地遊😌今年想去親親大自然嘅地方，於是揀去長洲西園2日1夜glamping✨⛺入住嘅係4人蒙古包～
🛶交通🚲
入到長洲可以搭街渡入西園，西園網站有街渡電話。當日入到長洲食完一輪大概5pm，網站提供間街渡話收左工lu~就係碼頭上左另一架，$50一家3口包船。走嘅時候，搭返西園網站個間就$10一個人。亦可以由碼頭行大概20分鐘/踩單車到。
⛺住⛺
我地入住嘅蒙古包係有冷氣同2張雙人床，外面有私人洗手間、燒烤爐同野餐枱。房放左拖鞋（不是即棄款~）、旅行裝沐浴露，洗頭水同牙刷套裝。間房俾我好舒服嘅感覺🥰啱哂我呢啲想兩手fing fing去露營嘅人🙌🏼
而且出奇地無咩蚊蟲👍🏻最驚喜係好多山羊住係後面😍🐐🐐🐐🐐夜晚無聽到佢地咩咩叫，同奶油寶寶仲早過啲羊起床，所以無俾羊咩嘈醒。反而朝早係俾狗吠醒😅
🍽食☕
蒙古包係有埋燒烤爐，場地可以提供炭，熟食碟，火機，燒烤網同夾，又可以俾錢預訂燒烤食物。因為今次係懶懶閒咁去，所以都無自己煮。
晚餐時間，我地先預備左寶寶嘅晚餐-即食粥同生果，佢食完好似好攰，所以我哋試下foodpanda，點知兩次都俾人cut單😆最後都係出返碼頭搵食，不過夜晚無街渡（如多人搭，應該有船家會肯接的）所以我哋都係行，當做運動😚
早餐係場地包左，不過原來閑日9:30am先有得食！有方包、多士爐、果醬、牛油、花生醬、雞蛋、幾款叮叮點心、幾款粟米片、牛奶、橙汁、咖啡同茶。坐係戶外餐桌，對住一大片草同山羊仔食，真係好嘆🥰
🐐玩🏃🏻♀️
西園地方好大，戶外地方夠空曠開揚。雖然寶寶太細join唔到大部份自費活動，但其實四圍跑下草地、玩下免費爬網同兒童飛索、大韆鞦、陪下山羊食早餐、同係戶外食下野，咁都已經好開心🥳最驚喜都係朝早大概8:45am，所有山羊突然全部由我地營後衝出來去食早餐，好搞笑嘅場面💕
離開西園後，去長洲沙灘玩左陣就返屋企啦🏖！雖然話係想懶懶閒咁去，不過最後返到屋企都係成個人散哂，攰足兩日。
其實奶油爸爸年年生日都係陰/雨天，今次又無得睇星星✨不過都叫係疫情嚴重前，一早揀左呢個羊多過人嘅地方，總算係可以安心玩返2日。之後再去outing就要晨早出發去無人搵到我地嘅地方啦🤗
