【觀塘吃正宗星馬叻沙】
在觀塘區搵食不容易，遇上公眾假期就像死城一樣更加難搵食。
慶祝2018年第一天上班，特地走到 #觀塘碼頭熟食市場 搵食，記得之前有人推介過 拿督星馬大飯店 ，而我又掂記新加坡的美食，就姑且一試。
拿督應該十分出名，我盲中中上一樓（即第二層），已經有人問我係咪搵拿督呀？我還未答，佢已經話行到最尾就係啦！
雖然叫大飯店，但是小店冰室格局。下午兩點半去到，但沒有下午茶餐，只有散叫，而且人不多，座位任揀，侍應的態度都好親切。
餐牌都有很多特色美食，我點了雞扒叻沙，還在考慮配什麼面呀，餐廳阿姐已經幫我諗埋，摻摻啦，（我剩係答，好呀，唔識讀。）原來音是"侵侵" (Trump Trump)......是油麵加米粉。
其實我向來不吃辣，但去完新加坡就覺得偶然一試無妨，這個湯底有椰香和魚味，吃下去是少許辣，但辣度只屬幼稚園級別，但我已吃到流鼻水，哈哈，但我想講，是堅好味的！
另外，飲品點了薑汁拉茶，有淡淡的薑味，好香，奶茶略甜，喝到尾有薑碎，不錯的。
朋友點了咖喱豬軟骨飯，端上桌已聞到辣味，向來吃辣的他都話夠辣，配飯一流。另外再點了薑白咖啡，喝到最尾都有薑碎。相比拉茶比咖啡好喝。
兩人埋單$100左右，價錢都OK啦。
地點在觀塘碼頭往北角方向，大家可以試下由北角搭船來，又或者吃飽去觀塘海濱公園散步曬太陽，都幾休閒架，不過飯店公眾假期休息啊，亦可試下其他食店～
觀塘海濱道190號觀塘碼頭熟食市場1樓20號舖
營業時間星期一至五
早上7.00-下午4.00
#拿督星馬大飯店 #摻摻 #星馬食品 #hkfoodie #hkfood #foodntravel #coffee #tea #新加坡 #singapore #咖喱 #叻沙 #Laksa
星馬食品 在 星馬料理 的推薦與評價
或者也可先打電話來訂餐後自取，讓你減少人與人之間的接觸！…… 顯示更多. 可能是食物和室內的圖像. ... <看更多>