超為食嘅我，每年都會去會展嘅美食節，因為鍾意呢度嘅氣氛，仲一次過可以食到買到好多唔同嘅嘢 😊 今次同好朋友 一一。細說bb生活快閃行咗2個鐘，收鑊好豐富，雖然我哋冇帶BB去，但都有睇BB食品畀佢哋㗎 😁
1E - E08 ＃旺利亞洲 Gil Asia
留意呢度「萌B殿堂」，有日本Pigeon同和光堂嘅兒童小食、麥圏圏、簡易蒸蛋糕、pancake 粉、兒童啫喱、DIY雪糕，仲有DHA、補鈣、肝油嘅軟糖，全部都大特價好抵買。
嚟到呢度，記得試飲吓支黑大豆酵素，因為產後媽媽其實好需要，幫助改善白髮、脫髮問題，如果媽媽產後有便秘問題，飲佢都好work㗎。
1B - B21 潤志 Unchi
一一媽叫我一定要嚟試呢度支流沙咸蛋黃醬，試嘅時候職員話唔熱可能冇咁好食，點知我哋一食入口都變😍心心眼，即刻一人買咗幾瓶，一瓶有8隻黃嘅流沙咸蛋黃好夠味，用嚟整黃金蝦同四季豆都超方便。$70/2支，唔貴，不過貨量唔多，想買要快。
#香港喜悅
第三年嚟買喜悅嘅麻辣醬同辣椒粉，用本地種植嘅辣椒，麻辣醬夠麻又夠辣，我主要用嚟撈烏冬或任何丸類、做火鍋醬料等。而我買嘅本地辣椒粉係屬於初級辣，如果你想再辣啲，仲可以揀血地獄魔鬼辣！
1C-B02 超力食品
我哋主要係俾「奸夫」架車吸引埋去，$380超力食品（熊井讚岐烏冬, 稻庭烏冬, 日式拉麵, 煙肉忌廉意粉, 意式番茄肉醬意粉, 鮮肉珍珠水餃, 鮮菜珍珠水餃 , 海鮮珍珠水餃, 蝦仁炒飯, 八爪魚炒飯, 日式鱆魚餅, 厚燒竹輪卷,仿蟹柳/ 每款各一包) 就送呢架 #Craftholic 奸夫購物車，裡面有錫紙保溫功能，而且係6輪設計可上落樓梯，絕對係超誠意之作，食展掃咗咁多貨，用佢推番屋企啱晒。
#美食博覽2018
日期：2018年8月16日至20日
地點：灣仔會議展覽中心
#2018美食博覽 #美食博覽 #foodie #babyfood HKTDC 香港貿發局 香港貿發局美食博覽 HKTDC Exhibition Channel 香港貿發局展覽頻道 #美心月餅 #食展購物車 RapeeLIVING 斗室 榮華香港 Wing Wah HK
