其實，我呢個人有兩樣嘢係經常被人誤會嘅，就容許我講得清楚啲！第一好多人都以為我係乜嘢地下教徒，其實我係唔相信任何嘅宗教組織， 但係我係相信所有嘅宗教信仰， 我發覺好多人係分唔到兩樣嘢㗎！信仰係畀一啲有誠心純真嘅人去practice， 宗教係比有野心同有機心嘅人去利用！ 每一次我去經歷唔同人嘅信仰我先至可以感覺到上帝嘅存在， 而每一次我了解某啲宗教組織，我就感覺到魔鬼嘅存在，所以點解我咁鍾意研究宗教信仰！第二好多人都以為我反建制反中共 係為咗自己嘅諗法！真係錯曬，我每次去表達同埋去鼓勵啲人堅持自由思想， 係因為我知道絕大部分香港人其實係過唔到嗰啲中共模式嘅生活㗎！但係對於我自己嚟講，我實在太容易投入啦！我自細係睇左派刊物、電影長大，我兩歲開始返大陸，新華書店係留低腳毛最多嘅地方，尤其我屋企極左派背景，我要歸邊要享受當中嘅福利真係易如反掌， 每次見到嗰啲所謂親中共嘅藍同建制派，完全唔認識中共，其實我每次都覺得心裏暗笑， 憑你哋……？！但睇住本身同佢哋夾夾不入嘅香港人，我真係覺得感到憐憫同可惜！我幫佢哋發聲，但係佢地以為係因為幫我自己發聲！有啲人仲叫我快D移民添！其實我移民去北京係最快活㗎！我為咗其他人發聲，啲人哋當我傻仔，所以人類都係好可憐㗎！ 末日來臨會更美善！阿門
