#非廣告 #職業病發作
agency朋友介紹，一齊參加咗 Walk In Hong Kong 活現香港 嘅網上虛擬導賞團，齊齊偷下師，睇下啲虛擬導賞團係點攪啦，做定啲marketing research。(公關係咁架啦，你估我哋真係咁多貨賣咩，唔周圍八點攪呀？)
職業病還職業病，偷咩師就自己再諗；但實在衷心讚賞呢個導賞團，除咗捐窿捐罅介紹香港歷史，仲創作咗啲鬼故事貫串其中，一方面偷時間俾主持人穿梭兩站，一方面可以擴闊觀眾嘅想像，同埋俾啲惹笑抖氣位。
其實攪一個實體event已經唔容易，網上嘅event就更加難，天時地利人和之外，仲要控制唔知佢幾時會short嘅IT技術，同埋完全control唔到觀眾身邊嘅引誘，真係要好花心力先可以令到event順利進行。
我諗，呢啲心思，行家真係最明白。就正如你永遠唔會理啲stanchion點解咁排，但其實每一條幾時開幾時閂嚟控制人流，都係經過一班傻仔扮咗100次guest行來行去而諗出嚟嘅。
偷師仲要幫人宣傳，其實都幾唔係路。或者係因為你見到一班人，雖然佢地都係商業行為，但係佢哋花嘅心思同埋出發點，係為香港保留緊我哋嘅人情、歷史文化。呢啲故事，未必係驚天地泣鬼神嘅故仔，但係聽咗你會會心微笑，心頭一暖嘅香港故事。呢啲，都係一種防赤化嘅力量，話俾香港人同旅客知道，我哋唔係一個省或者市，亦都唔係一個曾經嘅殖民地咁簡單。
香港，是一個獨特的地方。
其實唔單止香港，我覺得香港嘅每一區 (尤其是自己由細住到大果區)特別獨特，Walk in HK哋幾時嚟下呀喂！
#寫寫下好心酸 #Well其實都係想介紹返一個好program
#主持人叫喺FB留言支持我咪支持下囉
#新界嘅朋友揮手
