Search
方保僑透露，近日曾有使用另一款雙卡雙待蘋果手機iPhone XS Max dual Sim的用戶在蘋果支援網投訴，指在日本旅遊時同樣無故出現微量漫遊數據，情況與今次的投訴人相似，故他認為蘋果及電訊商應跟進及調查事件。
為免無辜被多收數據漫遊費，方保僑建議使用雙卡手機市民外遊時可採以下三招其中一招自保：
第一招：在目的地如日本購買當地的手機上網數據卡，因使用這些「本土上網卡」一般毋須開動漫遊數據功能，令遊客不用冒險開啟手機的數據漫遊功能；
第二招：外遊時可使用兩部手機，例如把香港網絡商的主卡插進一部已關掉數據功能的手機，僅用於話音通話，另一部手機才插入數據漫遊卡以便上網；
第三招：旅行時索性拔走手機內的香港網絡商主卡，只插入另購的數據漫遊卡，同樣可避免墮入數據漫遊收費陷阱。
2019 年各大電訊商除咗摩拳擦掌準備 5G 嘅業務之外，外遊數據漫遊服務都係一個重點嘅競爭項目。近日 3HK 同系嘅豐澤 Fortress 就推出咗全新嘅 HahaSIM 數據漫遊卡，主打平價嘅日費計劃。我哋一齊睇吓！
HahaSIM 賣 $100，入面嘅面額亦都係 $100，可以用嚟買唔同嘅數據漫遊組合。你首先要下載 haha Travel 手機應用程式，之後就將你嘅 HahaSIM 捆綁到程式入面，跟住再揀番需要嘅漫遊數據組合，到達目的地之後只要插入 Sim 卡同埋開番手機嘅數據漫遊就用到喇！
價錢方面，亞洲地區嘅收費係 $10 - $15 / 日、澳紐、北美係 $18、而歐洲大部分地區就係 $23 / 日，每日頭 500MB 係高速嘅數據，用過咗就會限速到 128kbps。不過大家要留意喇，每日係指香港時間 00:00 - 23:59 計算，如果去其他時區嘅朋友就要留意喇。
另外，呢張卡只要你增值，或者開通漫遊組合，有效期就會延長 365 日，今次用唔晒嘅儲值額，就可以留番下次旅程慢慢用啦！
HahaSIM 暫時只係喺豐澤門市同埋網店有售，每張 $100。
《Z世代達人》
麥卓華
早前同大家介紹過性價比超高嘅華為 Nova 5T 手機，今日就收到實機喇，一齊同大家做個開箱！
正如之前所講，華為 Nova 5T 以大約港幣 3000 蚊嘅價位，配備旗艦處理器 Kirin 980、8 GB 記憶體同埋 128GB 內存，絕對係超性價比嘅手機。先睇下個包裝，盒裏面嘅配件一樣咁齊全，除咗主機之外，仲有 SIM 卡針呀，基本透明外殼，Type-C頭嘅耳機，充電線同埋支援華為 Super charge 快充嘅充電插頭。
我揀咗嘅就係蘇音藍呢個顏色，等我爆咗部機先，過程中我再根據提示插入 SIM 卡，雙卡雙待位都支援 NanoSIM，不過就唔支援外置嘅記憶咭。爆好部機之後，第一時間睇睇，兩張 SIM 卡都支援 4G，而且兩張都支援voLTE，配合支援嘅電訊商，有電話入就唔會跌番落3G啦！
聽到華為 Huawei 大家最關心嘅就係 Nova 5T 有冇配備 Google Mobile Service GMS，或者簡單啲講，即係 Google Play。咁你就唔使擔心喇，因為 Nova 5T 發佈嘅時候係禁制令生效之前，所以冇受到呢個禁制令嘅影響，大家照樣可以用 Google Play下載你鍾意嘅手機應用程式。
由於配備左咗頂級嘅處理器，操作 Nova 5T 嘅時候相當暢順，試吓開個瀏覽器睇吓網頁同片先，速度比想像中仲要快，拍得住旗艦手機嘅質素，就算睇新聞報道配合下面嘅資訊列，一樣唔會疾下疾下或者起格，效果相當滿意。
介面方面亦都相當有心思，雖然部機唔算大部，但係都有提供單手操作模式，只要輕輕咁喺畫面底部掃一掃，成個畫面就會縮細，之後單手使用都冇問題啦！而對於成日出 Trip 嘅朋友嚟講，華為手機介面亦都貼心咁提供咗兩張 Sim 卡可以分別開關數據漫遊功能，確保唔會因為撈亂 SIM 卡而要俾昂貴嘅漫遊收費。
好喇，係時候加埋個膠殼出街影吓相先。Nova 5T 配備咗四個唔同功能嘅鏡頭，所以影相有特別多唔同嘅效果選擇。4800 萬像素嘅主鏡同埋 1600 萬像素嘅超廣角鏡影出嚟效果就相當唔錯，雖然冇配備光學變焦鏡頭，但係當我選擇兩倍變焦，影出嚟嘅相一樣冇起格，對於光學變焦冇實際需要或者對相片冇好高要求嘅用戶嚟講，絕對唔使擔心。等我再試吓用佢嘅微距鏡頭影埋兩朵花先！絕對合格啦！除咗鏡頭方面，手機亦都有好多唔同嘅相機情景設定，貫徹華為手機以影相領先嘅優勢。
《Z世代達人》
麥卓華
好似我咁成日都要出 Trip 嘅朋友，通常都會有自己嘅 Wifi 蛋又或者漫遊 Sim 卡。但係漫遊緊嘅時候香港手機突然之間電話響，一聽就十蚊八蚊一分鐘，唔聽又怕係緊急電話，有時都真係幾煩。csl 同 1010 最近新推出嘅數據日費計劃組合就可以幫到我哋。
其實 csl 同 1010 係最早推出漫遊數據日費計劃組合嘅網絡供應商之一，近嚟佢哋就再次加強組合嘅內容，只要 $59 月費同埋簽約 24 個月，就可以喺合約期內使用 35 日嘅亞太區漫遊日費計劃，更加罕有咁包括咗一共 100 分鐘嘅漫遊通話時間，漫遊通話分鐘仲可以唔使配合日費計劃使用，就算用緊 Wi-Fi 蛋或者酒店 Wi-Fi，都可以照扣，既均真又實用㗎！
另外，csl 同 1010 嘅數據日費計劃係可以用足24個鐘，咁就唔駛計住截數時間開 Plan，用起上嚟就方便好多啦！另外，每次到達目的地，就算你部手機已經開咗數據漫遊功能，到達目的地之後佢哋都會先發短訊俾你確認係唔係開啟漫遊數據日費，唔洗怕因為唔記得熄數據漫遊而被額外收費！
《Z世代達人》
麥卓華
數據漫遊收費 · 1 hour ago · 632 views. 02:06. 患有自閉症的她，在繪畫中開創 · 2 hours ago · 791 views. 01:51. 美國加州大氣河流報到，超強降 · 3 hours ... ... <看更多>
... 最少不用再被中國聯通亂扣漫遊費-關掉4G/LTE功能-保持3G/2G語音通話-關掉 數據漫遊 -關掉流動數據-連接WiFi上網結論: 沒有被扣5元漫遊費用, ... ... <看更多>
數據漫遊收費 在 疑問？請問行動上網(吃到飽)，在開起漫遊，那漫遊會另外收費？ 的推薦與評價
上網服務也一樣變成數據漫遊..一樣都是漫遊..當然收費就會有差囉O.O.. 這樣..你看懂了嗎?? ... <看更多>