有讀者留言我覺得寫得好insightful, 都分享比大家睇睇
Quote from @安德烈老師Master Andrew
「佢地其實帶緊風向。明明正確科學討論方向係針對政府所謂的防疫措施逐一討論其合理性（醫學、微生物學、法律/人權、公共政策、倫理學 etc.），但佢地就係要將對政策嘅質疑一律極端化為「瘟疫係假」嘅陰謀論（之前佢地騎劫反對封城依個指施嘅大巴靈頓宣言走去支持其陰謀論就係一例子）。
依種輿論操作手段，係邏輯學上叫做「虛假二分」，只係為左扼殺其他中間、理性聲音，令社會只得返兩個極端聲音：一係支持政府防疫，一係認為武漢肺炎係假，抹殺所有其他可能性。而依個虛假二分係建基於「支持防疫＝支持政府所有防疫措施」依個前提，其實係打緊稻草人。
所以每當大家去質疑政府一D假防疫真暴政措施，例如「6點後禁堂食」根本係擾民、害死經濟、侵犯人權兼且無科學根據，城邦派KOL就會立即扯到去「肺炎係假」，將理性嘅質疑推到去非理性嘅陰謀論，削弱大家質疑假防疫措施嘅合理性。
其實睇下D英文KOL，就可以發現世界各地都有依一類輿論操作手段：虛假二分、打稻草人，於是質疑政府嘅聲音通通都被on9化了。至於咁做有乜著數，係咩人指使，就唔知了。
閱讀門檻：讀過 PHIL1310 邏輯入門」
———————————
我好同意嘅係，「評論防疫措施還評論防疫措施」，「醫學知識同概念要清楚準確」。
唔係因為防疫措施唔make sense就可以隨便spin同推廣錯誤嘅醫學知識同概念。
下篇想分享下我對個別防疫措施嘅想法，對比成功控制疫情嘅外國，到底香港有咩獨特嘅地方，到底個別措施make唔make sense
