《日新》音樂劇工作坊展演最後一場完成了。
我每晚在觀眾席上看著這一班演員的演出，都非常感動，感動在於──「點解音樂劇呢様咁難嘅演出，你哋都可以做得到？」
有幾難？你認真諗諗，就知道真係好難。
要唱到，跳到，演到，仲要一次過記到個幾兩個鐘的對白、走位，到最後演出時，粒粒音去到（音樂劇嘅歌隻係差唔多隻隻扯高音的），隻隻字冇錯（孫中山年代的民初對白，好多唔係現代人用語嚟），個個位走啱（有好多位係同步幾個人一齊做，錯一下都會畀人見到）同時兼顧到咁多技術之餘，仲要有戲，投入角色。
我在演後座談會經常話，當你想起香港好多歌手在演唱會對住字幕機都唱錯嘅時候，你就明白呢班音樂劇演員有幾勁。
仲有仲有，就係今次係工作坊形式，所以我同導演逐場睇完之後，都仲每晚畀意見，每晚都有一堆「不如聽日嗰場嗰個位，嗰句對白，試下咁様咁様改？睇吓啲反應？」而佢哋竟然下一場就即刻改到畀你。
而更重要更重要嘅係，喺呢班演員嘅心目中，佢哋覺得以上嘅嘢做得到，只係基本，唔係乜嘢值得驕傲嘅事。
根本，有你哋，就係香港演藝界嘅驕傲。
今年由於只試演四場，又有入場人數比例限定，所以雖然爆滿了，但仍然有很多觀眾未有機會欣賞到，所以希望約定大家下年到來支持，另外也請大家相信我的推介，我們的十一位演員，每一位都值得加倍留意，各位影視舞台界朋友，有機會的請撐多啲佢哋。
有實力，就應該有回報。
凌文龍 飾演 孫日新
梁景堯 飾演 陸皓東
吳肇軒 飾演 陳少白
陳熙鏞 飾演 尢列
黃慶堯 飾演 楊鶴齢
陳湛文 飾演 東父、楊衢雲
胡希文 飾演 盧慕貞
文愷霖 飾演 陳粹芬
錢深銘 飾演 喜嘉里牧師
歐芷菲 飾演 東母
翁演陞 飾演 鄭士良（琴晚合照影唔切，遲啲補返！）
成日話香港冇演員，其實仲有好多好多等緊我哋發掘！
下年《日新》見！
My blazer: mijosu
#凌文龍話我同女演員影相笑得開心啲
#我唔認同
#大家評吓理
#唔好屈我
#繼續感謝本地品牌mijosu贊助小弟一連四場不同造型
#多謝支持
#一連四日我都會貼吓件褸
#大家記得Like吓
#繼續支持有Heart的本地品牌
#有如支持本地原創音樂劇
#支持香港本地薑
#多謝多謝
支持香港本地薑 在 本地薑 - YouTube 的推薦與評價
生活媒體有限公司(本地薑)成立於2019年，致力宏揚香港人刻苦耐勞、同舟共濟、 ... 《一人一故事》屬於香港人的故事，見證不同的人生，互相支持和鼓勵，成就更多的香港 ... ... <看更多>