終於有時間分享返小小豬生日兩日一夜迪士尼Staycation之旅。
首先...間酒店係小小豬自己揀嘅，其實都嚟過幾次，點解都仍然咁鍾意...哈哈。我係經網上旅行社預訂嘅，$10XX依個價都可以接受，所以就順下佢意，陪佢玩兩日啦！
講返先....可能暑假，所以都真係算多人，同埋因為疫情，游水係需要提早預約，所以我地一點未夠就嚟到CheckIn，嗰時都只係得返5:00後嘅游泳池預約，當然唔理咁多照book。(依家每入住一晚只可以預約一節50分鐘嘅游水時間，你可以選擇排隊等後補嘅，不過就唔一定可以入到去)
其實今次我地都主要係hea遊，同還小小豬一個心願生日去下Staycation，所以除左游水之外，都冇刻意去玩啲咩(同埋都真係比較多人，我地整小手工都要排25分鐘先可以入去整)，係兩間酒店行下慢活一下都唔錯嘅。
唯一今次有啲特別，就係可以係迪士尼一帶踩單車(我地冇踩入酒店範圍，只係踩行人路來回兩間酒店同去左碼頭同海濱長廊)，單車係我地自己帶去，因為三部摺單車一向擺咗喺部車度，所以我哋拎出嚟踩，有需要嘅時間就寄存係酒店行李部(我地問過職員先知係可以咁做呀)
睇小小豬又真係完全唔似係11歲，真係......話咁快又要換身份証...話咁快又話升中學，真係唔敢諗之後仲有啲咩轉變。坦白講我真係未完全可以接受，老土啲講：小朋友係父母心目中都係長不大嘅。
只望依隻小小豬可以繼續健康開心咁成長，忠於自己目標就好了。
香港迪士尼樂園 | Hong Kong Disneyland
#迪士尼探索家渡假酒店
換身份証 在 網上預約換領身份證(全港市民換領身份證計劃) - GovHK 的推薦與評價
除互聯網或入境處流動應用程式外，你亦可透過24小時的電話預約服務熱線(852) 2121 1234 預約換證。 智能身份證換領中心. 你可透過以下連結，查閱各智能身份證換領中心的 ... ... <看更多>