從動森復活兔看服務業的辛酸。
喺將近復活節嘅時候，動森裡面出現咗隻復活兔。佢個樣雖然好猙獰，但都嘗試扮下可愛彈下彈下氹啲”玩家”開心，佢話畀大家知佢喺島同外島埋咗6款復活蛋畀玩家搵，玩家搵到蛋可以DIY做復活節傢俱。無奈啲傢俱真係好柒又核凸，然後出蛋機率太高，搞到啲玩家都紛紛屌鬼。結果動森更新咗個機率，令出蛋次數減低。可惜，釣魚釣到蛋仍然都忍唔住講句屌你老X，由其喺計時嘅釣魚大賽嗰陣釣出蛋真係屌上屌。結果啲人對隻核凸兔就更加恨之入骨啦。
到復活節當日，復活兔又再出現。雖然復活兔樣子依然好猙獰⋯⋯不過今次發現復活兔喺玩家離開一段距離之後，除咗唔跳外，竟然仲嘆氣⋯⋯及後有玩家同島上嘅居民溝通後發現，原來復活兔山長水遠過嚟只係打工㗎炸。居民：『千里迢迢來到這座島，一定很辛苦吧～而且他應該只是個打工的。』
我開始同情復活兔⋯⋯
佢日日用誠懇嘅眼神望住我行過，都畀我呢個乞客無視。為客出盡力咁起勢跳，你企足喺佢身邊幾耐佢就跳足幾耐，又一番心意辛辛苦苦埋千9幾隻蛋，都得唔到一點掌聲或者半句多謝。無論你白撞幾多次，佢都會用返同一語氣答你問題，從不嗨聲。節日做到凌晨先收工仲要山長水遠返屋企，都係想大家過節過得開心啲。但到頭來只係換嚟無限投訴同不滿，仲嫌啲節日贈品係垃圾。網上仲有人聲討佢個樣恐怖，下個復活節都唔知仲會唔會有得撈⋯⋯
你是那隻猙獰的復活兔嗎？
#打機打上腦
#曾經話過復活兔好L恐怖
#對唔住呀兔🥺
#動物之森
打機打上腦 在 CapTV【打機打上腦】 的推薦與評價
一個 打機打上腦 的人係點嘅呢？戒打機熱線：https://youtu.be/U_sv7Eop6A4片段：東京攻略嘉禾電影(中國)有限公司(2000)風雲：雄霸天下嘉禾電影(中國) ... ... <看更多>