睇到隔離 Goodbye HK, Hello UK 俾人話藍，真係全日全日唯一令我笑得出聲嘅野。
首先，我可唔可以好幸災樂禍地感謝各位我嘅讀者，因為我覺得我啲讀者水平真係比較似樣，起碼唔會一言不合就話對方係藍、係五毛、係共產黨派黎。 #讀者生性病人妻感安慰
其次嘅係，大家唔好咁睇得起上網寫野嘅人。你覺得一個page有十萬八萬likes好重要咩？眼界決定境界，你就算坐井觀天，個井也未必太細了吧？在各大社交媒體，無一百幾十萬個followers都真係唔好意思自稱influencer. 中共維穩費係多，但派錢都要睇對象，你要買起一個page最少都一百幾十萬（我assume大家都係專業同半專業人士，其實唔太等錢駛）。錢花很大，但覆蓋率很低，這樣是極不划算的。我係中共，我寧願俾多幾球，買通啲國際大咖去維穩啦，駛鬼搵啲十萬八萬個followers的蚊型page咩？我寫左文四年，俾「民主支持者」pm我問我幾時死就偶爾都有，但中聯辦的pm，我等了又等都係未等到。
再講多句，依家國安法咁惡，佢駛理你網上講乜鬧乜咩？只要你唔係真係有所行動嘅，根本理都費事。我有我吠、佢人工照出，我吠極都唔會上報紙，亦唔會被外國政府接見，咁有咩影響？人貴自知，你估人人可以學教授咁sell大灣區？投共也要講資格好不好？
最後，你地唔駛再估啦，我認我係藍嘅，皇家嘅藍、key worker 嘅藍，醫護軍警嘅藍。與其上網打丁丁，我都係鍾意落場砌，黎到英國大家別忘了當義工，救急扶危。我是很支持政府的，若這個政府是為人民服務的話。
#我成日都覺得好多人投訴呢樣唔好嗰樣唔好
#咁唔滿意咪幫手改囉
#錦鯉做左啲乜
#上年我做左幾百個鐘義工呀 🙈🙈🙈
#最開心係可以加入折扣會
#搭uber有折🙈🙈🙈
我成日都覺得好多人投訴呢樣唔好嗰樣唔好 在 自從得了精神病，整個人都精神多了。 - Facebook 的推薦與評價
成日都 聽到有啲港女投訴男朋友，話我唔係要你比意見我，或者幫我分析，我係要你聽我講嘢呀。乜我冇聽你講嘢咩？不如你話我聽我到底要聽啲乜？ 好多人聽嘢都太集中 ... ... <看更多>