關於 微 辣 遊戲 喎 ，我們在網路上蒐集到這些相關的討論、資訊與評價

《估唔到叮叮雞會咁好食🐓》
7-11最新推出多款叮叮雞，有雞髀、雞粒、雞翼，今次試一試究竟得唔得💃🏻！
.
📍7-SIGNATURE黑椒雞髀
雞脾肉厚夠大隻，肉質夠嫰滑，仲要有肉汁，冇諗過黑椒味咁突出，入晒味又辣辣地🌶，惹味好好食😋！（估佢唔到叮叮雞都有呢個質數！😆）
.
📍7-SIGNATURE蜜汁烤雞粒
一啖一粒好方便，用雞髀肉做成嘅雞粒好嫰滑🐓，微甜加上啖啖肉，唔錯喎！
.
📍7-SIGNATURE瑞士雞中翼
瑞士雞翼加上海鮮醬同辣椒醬去本，香濃入味，雞肉又夠滑，好食呢！
.
而家仲有個game有機會贏免費雞髀 🤤🍗只要按畫面指示，成功係時間內叮出滋味叮雞，就可以獲得「7-SIGNATURE雞髀免費電子換領券」一張，想免費食雞就click下邊個條link去玩啦🕹！
.
遊戲連結：http://bit.ly/2N8U7m9


.
#7ElevenHK #7SIGNATURE #7Eleven自家品牌 #叮雞系列 #用心簡單滋味 #雞有咁多種送可樂有呢種 #便利店尋寶 @7elevenhk
@ 7-11

最後一集代節目嘅回顧～
關於完全無用嘅超能力，同埋由鍾雪飾演嘅唔同類型嘅植物。

【#不道德劇場 】
【農曆新年special 之 超能力大抽奬】

四寶係一個患有中二病嘅女仔，今年20歲，長頭髮、眼細細、皮膚唔差、小小肥、唔係好識着衫，簡單來講就係見面第十次先會認得個樣、記得個名嗰種人。其實與其話佢有中二病，不如話佢有啲係自卑感作祟，佢覺得自己靚又唔係靚、叻又唔係叻、至於性格，可以算係善良嘅，但係呢個世界善良嘅人何其多，如果天生冇樣睇身材又唔夠好，最重要嘅都係才能，四寶佢都深深明白內在美嘅重要性，可惜連自己都未望得清楚自己嘅內在美，於是四寶個人開始多多幻想，幻想自己其實比實際嘅自己多出好多特別嘅地方，直頭好似動漫人物咁特別。

例如行街嘅時候，四寶會以魔女嘅姿態向嗰啲對佢嘅態度友善嘅人細細聲進行祝福、對冇禮貌嘅人佢會喺心入面唸咒語咀咒，手指會輕輕喺空氣間畫過魔法陣象徵儀式嘅執行；
又例如佢間唔中又會覺得自己係毫無感情嘅騎士團，人哋同佢講嘢佢唔會應，心入邊佢只會盤算之後落嚟應該點樣執行特別機關俾佢嘅任務⋯⋯
而當然，呢一切嘅儀式或者任務，都只係暗地裏執行，根本就無人知道、冇人望到任何蛛絲馬跡；喺陌生人嘅眼中，佢只係一個係街上面無啦啦比手畫腳、或者木無表情嘅奇怪女仔。但係四寶真係好鍾意佢自己賦予比自己啲性格：愛恨分明嘅魔女、冷酷無情嘅騎士、勇於犧牲自己嘅外星公主、憂國憂民嘅占卜師⋯⋯佢好想自己前面都有一個形容詞，而呢個形容詞可以唔係「普通」呢兩個字。

一直過住普通嘅人生，今個月係佢第二十個農曆新年，幾日之前係佢人生第20次拜年。
以往拜年嘅時候有一樣野好特別嘅，就係佢冇乜經歷過人哋講嘅煩厭親戚問題時間。升唔升到大學啊、拍拖未啊、有冇做兼職啊、成績好唔好啊⋯⋯ 冇喎，真係冇人問佢喎，但係唔代表佢啲親戚唔煩唔乞人憎，其實只係因為佢有幾個好搶風頭嘅表姐表妹。有一個抑鬱型嘅性格巨星、有一個係瘋狂換畫嘅靚妹妹、有一個係年年考第一嘅高材生、仲有個排球港隊代表，啲親戚好似DJ做訪問咁，要搵話題、要問問題，排到拜完年直上玩啤牌環節都未有興趣問佢，所以每年拜完年佢都可以安全渡過。四寶雖然有啲驚呢班麻煩又八卦嘅親戚，但係其實心裏面都有少少想佢哋可以問下佢少少問題，一條半條都好呀，至少自己唔係透明人。

今年嘅拜年環節，佢都以為自己會同往常一樣，一個人跟住係一班人後面，用幻想力俾啲樂趣自己算數，點知就發生咗一件好奇怪嘅事。四寶跟住爸爸媽媽去到其中一個親戚嘅屋企門口，一打開門正正準備求其講句恭喜發財，突然之間響起咗好似嘉年華會定係馬戲團咁嘅背景音樂，然後身邊所有人唔見晒。

呢個姑婆嘅屋企佢都嚟過20次，大致上嘅格局佢都認得，老人家屋企都係傳傳統統簡簡單單啦，但係佢一望上天花板，竟然見到成天都係七彩顏色好似嘉年華會咁嘅旗海，仲有聖誕樹燈飾閃下閃下，掛到一屋都係，所有嘢同屋入面嘅中式設計完全唔搭調。

咩事呀，人有唔見晒，間屋突然之間咁繽紛，唔係真係我幻想得太多搞到自己有妄想症掛！就係佢質疑緊自己雙眼嘅時候，姑婆嘅房門打開咗，一個男人走咗出嚟。男人帶着一頂高帽，留住八字鬚，着着紳士服，就好似一場表演嘅司儀一樣。四寶佢黑暗嚇到唔敢入屋，想衝出去即刻㩒閘離開，又發現自己驚到郁唔到。

「妳好呀四寶！我係今日嘅抽獎儀式嘅大會司儀！歡迎你參加今日嘅超能力幸運大抽獎！」

個紳士對住四寶咁樣講，明明間屋唔係好大，兩個人嘅距離唔係好遠，但係四寶硬係睇唔清楚個紳士個樣。講完呢句說話之後，紳士隔離突然之間出現咗一個特大嘅圓形全盒，直徑有半道門咁長，係憑空出現嗰隻，裏面裝左好多好大好大粒嘅糖果。

「呢個全盒就係四寶你嘅抽獎箱！快啲過嚟抽返個好意頭啦，每粒糖都代表住一種超能力，有拆穿謊言嘅超能力、有閱讀回憶嘅超能力、飄浮、隔空取物、控制火、控制水嘅能力全部都有，知道你等咗好耐啦，我係嚟實現你嘅願望㗎！」

紳士講完呢句說話，四寶嘅中二病發作啦。中二病嘅副作用係佢比起我哋以往三集嘅主人公都冷靜、都容易回復理智。佢知道，呢一個紳士，就好似每一隻手機遊戲裏面嘅引導者一樣，佢真係負責為自己安排超能力嘅人。雖然佢明知佢一路睇嘅係動畫、一路玩嘅係遊戲，但係佢心入面梗係都有一角，會相信啲情節有朝一日會發生係佢身上，佢亦都冇辜負自己嘅信心，今日呢個紳士就出現咗。於是佢真係決定行埋去，抽一粒糖。

超能力，我即將會有超能力！係啲誇誇張張嘅表姐表妹恨一世都恨唔到嘅嘢！佢見到唔合情理嘅室內環境、見到突然消失嘅屋企人、見到憑空出現嘅全盒，佢有100%嘅信心。佢望住嗰啲糖，憑着魔女嘅直覺，拎咗一粒紅色嘅出嚟。

「拆開佢，之後食咗粒糖佢，然後望吓張糖紙吖。」

四寶跟住紳士嘅吩咐照做，你將粒糖擺落口。普普通通嘅軟糖，味道冇乜特別，但係吞落去嘅時候，佢確實覺得身體好似有啲改變。佢有一刻覺得天旋地轉，眼耳口鼻有種完全開通晒嘅感覺。慢慢，就有啲奇怪嘅文字啊喺張糖紙上面浮現出嚟。又唔似英文、又唔似中文、又唔似日文。四寶唔知係乜嘢字嚟，就將張粉紅色嘅糖紙遞咗比紳士。

「恭喜晒你呀！你得到嘅係～～～！！！」

四寶好緊張好緊張，究竟係攻擊系、定係防守系嘅超能力呢！抑或係一啲可以更加特殊、更加有型嘅能力呢！

「你得到嘅係～聽到植物嘅心聲嘅能力吖！恭喜！」

恭喜完四寶之後，四寶都未反應得切，個紳士就好似一陣風咁消失左。一眨眼，就有好嘈雜嘅聲音喺佢耳邊響起，最近嘅係一把都算熟悉嘅聲音。

「喂！四寶！你做乜喺度發吽豆吖！利是吖！」

係姑婆企左喺佢面前。間又殘又舊嘅屋又變返同以前一樣，20年來都好似冇乜變過嗰個樣。阿爸阿媽班表姐表妹表哥表弟阿叔阿嬸，根本全部都一直喺間屋入面。傳入個鼻入面嘅係蘿蔔糕同年糕嘅香味。
多謝姑婆祝你身體健康新年快樂⋯⋯
四寶回一回神，無意識咁講咗兩句祝賀嘅說話。佢慢慢、慢慢行埋去枱面望一望個全盒。係一堆好普通嘅瓜子同好普通嘅糖，佢搣開食咗一粒，糖紙都冇任何變化。唔通頭先真係佢自己中二病嚴重咁病發？

就喺佢咁諗嘅時候，佢聽到兩把好陌生嘅聲音。

「好煩呀，啲人好嘈呀。」
「啲嘢食味都好臭囉，蓋過晒我本身啲香味！」

四寶驚驚青青又一頭霧水咁想搵出聲音嘅源頭，但係唔使幾耐佢就發現，聲音係嚟自枱面，枱面有個全盒，傳給隔離有棵水仙花。聲音係兩棵水仙花嘅對話。動物傳心術其實聽過，今鋪居然係植物傳心術，仲要係完全聽到對話嘅內容，已經唔係傳心啦，直頭係植物竊聴術呀！

四寶驚到差啲將頭先食過嘅蘿蔔糕同年糕一次過全部嘔晒出嚟。佢真係有超能力呀！佢終於成為一個特別嘅人啦！佢驚左幾秒，之後立即開心左幾秒，然之後就開始失望。頭先嗰個紳士講咗咁多種超能力，佢得到嘅居然係呢種完全冇用嘅超能力！都四寶來講呢種能力簡直係毫冇意義，但去到呢個階段四寶都覺得唔緊要，因為佢只係想得到同其他人唔同嘅才能，佢只係想成為比較特別嘅一個人，而靠着呢啲花花草草佢做得到啦。佢本身諗住把心一橫，開開心心面對呢個全新嘅超能力，是但啦廢啲就廢啲囉，點知佢帶住興奮嘅心情落到街，先知道大禍臨頭。

「唉呀人類真係好唔環保呀，我真係好痛苦呀，點解人類永遠都唔識得珍惜我哋？你哋睇吓年初一年初二年初三都仲係熱辣辣就知道呢啲叫做溫室效應啦！」

「咪係囉佢哋唔熱我哋都熱啦，唔該快啲學識環保令到我哋可以重生啦！」

「新年真係好熱鬧呀其實我都幾鍾意人類嘅新年吖！喺條街度見到咁多人都幾得意！」

「哈哈，如果你想見得多人呀，我奉勸你試吓俾人帶去花市啦，嗰個地方真係好多人㗎，啲人仲會爭住買我哋，植物都好少何咁搶手㗎。」

四寶一落到街，佢覺得呢個世界簡直仲嘈過花市十倍。雖然都仲分辨到邊啲說話係人講邊啲說話係植物講，但係真係好煩擾，就好似有幾千個人一齊係你耳邊不停咁吱吱噚噚咁，佢冇諗過聽到植物講嘢嘅能力，居然係冇辦法控制嘅。佢可以恰埋自己隻眼，但係點樣可以恰埋自己隻耳呢？係冇可能㗎！佢個人嘅狀態立即變得好混亂，於是佢同佢媽媽講有啲唔舒服，自己一個人搭的士衝咗返屋企。

大年初一幾經辛苦終於俾截接到㗎的士，亦都終於俾佢享受到片刻寧靜。好彩，佢都咁樣呢一程車司機冇講嘢，冇同佢分析政治情況、冇同你講今日遇到啲咩客人。佢帶住又驚又嬲嘅心情返到屋企，諗住即刻跑入房返上床瞓覺，一瞓醒呢一場夢就會醒，一切聲音都會消失。

而佢唔記得咗嘅係，佢媽媽今年都買咗兩盆桔返屋企。佢經過客廳嗰陣，就聽到呢兩盆桔嘅對話。

「你睇下，嗰個不孝女返咗嚟啦。」

「係喎，新年流流都唔陪阿媽，自己阿媽呢幾日都唔舒服㗎啦，佢都完全冇關心過！」

「可能係佢唔知道呢，一日到黑匿埋喺房度打機睇動畫，佢阿媽感冒發燒病到死下死下仲出去拜年佢都無動於衷。」

「喂喂喂咁古怪嘅，佢眼甘甘望住我哋嘅！」

「車，佢成日都古古怪怪咁㗎啦，唔通佢聽到我哋講嘢咩，睇佢個樣又喺度諗啲古靈精怪野啦！」

四寶佢呆咗咁望住兩盆桔，回想起呢一個月，佢真係好似完全冇同阿媽講嗰啲乜。佢又回想起今日阿媽個樣，又真係好似冇平時咁精神，有啲面青口唇白咁。於是佢冇瞓到覺，入咗廚房，焗左一劑感冒茶。
一兩個鐘頭之後，四寶阿媽打開門返咗屋企。
點呀，仲有冇唔舒服呀。佢媽媽好關心嘅問咗佢一句。四寶話自己冇乜事啦，佢阿媽微微一笑，見到枱面劑感冒茶，就叫佢快啲飲完快啲入房瞓覺。

「呢劑茶唔係我飲㗎⋯ 俾你飲㗎。」

四寶同佢媽媽咁樣講。媽媽佢呆左一呆，之後居然眼泛淚光。佢輕輕摸左一下四寶個頭，然之後飲咗個劑茶，講咗一句咁嘅說話：「咁都俾你知道我病添！」之後就入咗房休息。

四寶好想話比媽媽知，其實佢真係唔知道。其實係兩盆桔話俾佢知，但係佢唔夠膽講。同時間係個心入面，浮現左一個想法。原來，聽到植物講嘢，都唔係完全冇用嘅能力。佢繼續坐咗係餐枱，一路喺度思考呢一個能力。

明明開頭覺得係絕對冇用嘅能力，居然可以令到媽媽眼泛淚光。上一次見到媽媽咁感動嘅表情，已經係好多年前佢小學畢業嘅時候。佢都知道，自從踏入左青春期，佢好似冇做過啲乜令到媽媽開心過，而當然呢種反叛同冷酷，都係中二病嘅特質。而既然呢種能力唔係冇用，四寶終於體會到一樣嘢。佢本身嘅能力，都唔係冇用。

佢突然之間覺得自己唔係一個冇才能嘅人，而係佢冇善用過自己嘅才能，什至冇善用過自己嘅基本能力。例如佢媽媽病咗，佢都未至於冇用到連觀察力都冇，咁有乜可能要靠兩盆桔話俾自己知？至於中二病⋯⋯ 自己一早都已經唔係中二學生，其實佢有嘅，咪就係比一般人更加豐富嘅想像力囉！點解佢從來都冇好好善用過？每一種能力，同其他人一樣嘅、比其他人好嘅，根本一早就已經喺佢入面。呢個時候，佢突然之間好想衝入房，好好攬住佢呢個做作家嘅媽媽。佢嘅創作力量同幻想，一定係由媽媽遺傳俾佢㗎。就係佢諗住打開媽媽房門嘅時候，佢又聽到兩盆桔出聲。

「喂喂喂、你睇吓佢啊，明知自己媽媽病咗都諗住去打攪人。」

「係啦，咁大個人都唔識諗嘅，真係冇鬼用！」

四寶覺得真係好嘈好嘈，但係都係果句啦，佢冇辦法may埋自己隻耳。睇嚟係佢正式發掘自己，善用自己嘅才能之前，佢都要好好諗下解決呢個多餘嘅才能啦。

【你發現嗎？人愈大愈難投入一段新戀情】

最近看了《以你的名字呼喚我》，確是一部不俗作品，但如外間捧至神作級別又不敢恭維，較令我深刻或只有末段的感情爆發。故事談的縱是一段同性戀，過程中的細節卻放在異性戀亦可。那些年我們都經過的猜心試探與曖昧、患得患失似有還無，但到了某個臨界點就要醒覺；一段美好的Summer Love就此完結，歌仔都有得唱：「放遺憾的美麗，停在這裡」，哭過痛過傷過後，人就此成長了。

最讓我深刻的，正是青春無悔、不顧一切向前衝的熱血。

成長過程中，經歷了太多人性的陰暗面、認識了不同人的缺點、受過了太多謊言與背叛後，漸漸你會發現很難再去投入一段新關係，或重新去愛一個人。

常說人愈大愈難去認識新的伴侶，那不單單是身邊異性朋友沒有多少個單身外，更大的問題或許是很難突破自己某些關口。

你被人狠狠騙過後，即使你發現對方有一個微不足道的謊言，你都會對他或她起了戒心；
你最討厭人遲到，曾經那個他或她每次約會總遲到一小時，是你人生的惡夢，如今對方遲到15分鐘你都會反感；
你受不了別人的苦苦相纏，前度就是因對方日夜逼婚而分開，今天你見對方極想生小孩子也覺有陰影；
更誇張的曾有朋友前度嚐辣，把她的腸胃都搞得亂七八糟而分別，如今約會帶她吃酸辣米線都把對方Blacklist...

曾經，我們有的是ICQ、聊天室，我們不怕陌生人，也無懼道出自己的真心話，最終可能成為過情人，交不上情人亦成了聯絡至今的好友；今天即使多了交友程式，總怕對方是「美容雞」、「萬能插」、「狗公」、保險員、PTGF，然後每句說話都小心翼翼；
曾經，有朋友介紹異性給你認識，在K房、酒吧內你總會默默期待有哪個你心儀的對象就此降臨在你眼前，如今你不會想太多，只期望對方正正常常，別令自己度過一個尷尬的聚會。能否成為情人是後話，交到朋友已心足；
曾經，在每段關係前總喜歡漫長的猜心角力、曖昧永遠是最甘甜的回憶，如今你沒有興趣，也沒有太多時間在這些遊戲上，合則來不合則去；
曾經，你勇氣無限，輕易動情更不難說出一句「我愛你」，今天你知道「我愛你」不能隨便亂說，即使你很想說出口也要兼顧很多問題，一記愛字已經不能隨便喧之口。

回想這些年來，大家在身邊出現的可能性非沒有，卻總缺少了昔日那種易燃的愛火，無論是你自己或是對方，要想的問題都比從前的多，義無反顧、不顧一切的愛情，已是過去式了。我們再也經不起無情的傷害、我們再也玩不起背叛的遊戲，來到這個年紀，大家要尋找的未必是一段愛情，而是一段可以談一生的感情。

這個年紀出來社會工作多年，或也有一定閱歷，見盡世間奇人怪事，原來這個社會真的有很多怪人。你絕不想隨便找個怪人當終生伴侶，還是想看定一點，找個對的人，結果，兜兜轉轉的時間可能比往昔更長。

又或許，認識了太多怪人後，你在這些「Friend疊Friend識人」的聚會、交友軟件認識的新朋友中，先別期望那是一個好情人，第一步先能交上個朋友，去到最遠有段友誼已經難能可貴。

又或許，世界變了，感情關係都淪為了商業工具。你只期望認識的新朋友別說「你啲膚質好似麻麻地喎，帶你上我公司參觀吓丫」或「其實你有冇諗過啲錢做吓投資都好好洗，不如去Star乜飲杯嘢傾」，好像已經很安慰了。

【新書繼續發售📖‼】
小弟新書銷量已遠超存貨一半，你唔係仲未買呀？即請下單：goo.gl/zXHRga

🔔台灣書局兼網上平台亦已經上架，可去文中連結購買：goo.gl/xzCymP

【IG請follow】www.instagram.com/travelerwithmovie

#我未上車喎
#我有啲肚餓
#有啲咁嘅嗜好我咁大個仔都未聽過
#我寫個慘字啊
#必勝必勝師兄必勝
#好一隻奪命香雞腳
———————————————————————————
的士文Desmond & @彭永琛 SEAN PANG 用一首歌的時間，讓大家回憶最經典嘅吳孟達

更多精彩請關注►►Let's #tastehappiness
▼ Follow 微辣Manner
YouTube: https://www.youtube.com/channel/UCgSbuhAD48A7RxbvflQfdjQ?sub_confirmation=1
Facebook: https://www.facebook.com/weilamanner
Instagram: https://www.instagram.com/manner__official/

成為辣粉（部分地區因YouTube官方未開放暫時無法加入）
https://www.youtube.com/channel/UCgSbuhAD48A7RxbvflQfdjQ/join

演員YouTube
@Jeffrey Fok霍哥哥 @彭永琛 SEAN PANG @少年江流的觀影日誌

▼微辣經典影片
【 劇場版MV -《再想當年》 】
►►https://youtu.be/YYtX7f8bpfc
【微辣大排檔】
►►https://www.youtube.com/playlist?list=PL_jnj_Gy1MoIFCKMuGjMiEZHQMTXkSqE9
【微辣遊戲王】
►►https://www.youtube.com/playlist?list=PL_jnj_Gy1MoLrdg07Qq8v7DQ41afvFcgQ
【微辣遊戲王 - 狼人殺】
►►https://www.youtube.com/playlist?list=PL_jnj_Gy1MoLkG4nIGuNLZzmBbK9kDDJ9
【微辣搞笑合集】
►►https://www.youtube.com/playlist?list=PL_jnj_Gy1MoL4eDz-J5M_uf419Jj2CLGv
【微辣音樂/劇場版MV】
►►https://www.youtube.com/playlist?list=PL_jnj_Gy1MoKUKBKAmGUSrUp-eBiNIOUx
▼微辣MannerProduction
生活的調味►►http://mannerproduction.com