話說最近除咗迷動森，對煮食都被逼產生濃厚嘅興趣。
尋日我就焗咗人生第一個菠蘿包。因為柒到以為一個電動攪拌器可以攪麵團，最後仲燒L埋變左手揉成個幾鐘on99。過程係充滿住無數嘅粗口，攪極個麵團都痴到嗨嗨燥到呢。最後喺份量錯哂嘅情況下，整咗16個好L健康，一啲都唔L甜嘅菠蘿包🤡。然後我就梗係喺自己FB出Post扮下嘢啦，先發現原來我有好多朋友都有整麵包嘅經驗，有啲仲要係麵包師傅😳。
我就係度諗⋯⋯點解我做咗飲食十幾年都從來無去廚房偷過師學下煮兩尾嘅呢。咁大個寶庫喺面前。明明個菜式材料我都識，普通點煮同個客講解我都䁱，但就係從來無諗過自己落手落腳做⋯⋯你叫我煮個解釋過畀個客聽10萬次嘅Paella，我真係企咗喺度呀🤡。
我諗香港真係太方便啦，乜柒都食到，又有阿媽照顧。整野食呢啲興趣，真係唔到喺外地自我隔離先可以激發出嚟，加上又開始食厭咗附近啲外賣🤧。
所以各位要好好珍惜啲廚師朋友，佢哋真係一點你個柒頭就開䁱㗎啦。有個麵包師傅教咗我整蜜瓜包，聽完親切嘅中文錄音，我真係一洗頹氣準備重新出發！不過前題係要買返部Stand Mixer先，手揉啲骨頭關節真係唔L掂。
#向各位廚師大哥大姐送上敬意
#得閒點下我個柒頭
#我最近好想學日式料理同港式麵包🤤
#最後個菠蘿包係要加牛油同砂糖食
#由健康的包變豬嗨的包
得閒點下我個柒頭 在 謝曬皮Tse Sai Pei - 中學年代的我和許許多多的少女一樣平凡 的推薦與評價
其實人人回看自己的中學年代總有如瞬間看柒頭, 對所做過柒到核爆的事, 必能如數家珍. 但要數到令人驕傲的一件事,那肯定是上堂聽mp3而又不被老師發現. ... <看更多>