好慘，又好好笑嘅真人真事。
話說我個舊同事阿Dick同佢女友鬧交，原因係阿Dick已經接近半年冇去過女方屋企食飯，咁可能未來岳父岳母又問過幾次啦，佢女友夾喺中間好難做，然後就引發咗呢對情侶嘅小風波喇。
「你未來岳父岳母好難頂？定係嫌你呢樣嗰樣？」
Dick：「唔係，相反地，佢哋知我做banking行業嘅headhunt，仲成日話我好叻仔，以為我對金融方面好在行，問過我買邊隻股票幾次㗎喇，終於上次食飯，亦即係半年前，我就畀咗隻股票佢哋，點知一入貨就係咁跌，搞到我唔好意思上去，希望過一排丟淡咗件事先。」
「哈哈，其實你負責banking方面請人咋喎，唔代表你玩股票同投資好在行㗎喎！」
Dick：「咁咪係囉，不過呢啲都算喇，聽我女朋友講，佢阿爸阿媽因為見係我推介，好似仲買得幾多。」
「咁但係你又點解咁失策畀隻山埃出嚟呢？」
Dick：「隻山埃都係我一個銀行客畀㗎咋，喂大佬，唔通我又走去追究個客咩，人哋都冇話實賺，我亦唔知女朋友個阿爸阿媽會玩咁大㗎嘛！」
「算啦，都過咗成半年，咩都嬲完啦！人哋連個女都交畀你，畀錯隻股票number啫，有幾大件事吖，有冇探下女友口風，未來岳父岳母係咪耿耿於懷呀？」
Dick：「我女友話佢哋冇嬲喎，不過始終係錢嚟㗎嘛，硬係覺得而家上去食飯會唔好意思。」
唔咩好意思吖，個個都有責任，道聽途說就預咗好易瀨嘢，路邊社啲料完全冇fact check，只係但求就手執人口水尾，當然好多盲點啦，想有full picture就要睇多啲，要有唔同渠道，參考多方面嘅數據，點可以只靠就手資訊㗎。
不過我好明白阿Dick嘅處境，當年做體育記者，都成日有人問我今晚曼聯贏唔贏到？車路士穩唔穩陣？鬼知咩！我翻譯外電㗎咋，你估我係費格遜同摩連奴呀？總之關乎錢嘅嘢，點都要靠自己睇緊啲，睇多啲。
我冇做體育記者好耐喇，反而對偵探片仲有研究，大家睇吓以下呢單奇案，學下點樣可以睇清睇楚，擊破盲點啦！
全積特攻
#理財盲點 #魅影兇手 #無論退休規劃定投資理財 #勿靠單一資訊 #強積金基金平台幫到你
