［冰振香蕉！］冰島學人種香蕉？是真的，其實一早有
（原文：https://bloom.bg/2PUIkW3 Bananas May Be Iceland’s Next Big Thing）
呢篇講香蕉，是真的。香蕉都好多學問。但講到尾都係有錢就任性。
冰島雖則大（相對於佢嘅人口），但冇乜礦物資源，冇礦石出口，冇石油。甚至連耕地都冇乜。不過冰島倒係有出口鋁，同一般人理解唔同，鋁雖則貴，但蘊藏量其實好多。煩／難／貴在乜？中學化學有講，有啲金屬就咁掘到（金銀），有啲用火煉已經得。但因為鋁太活躍，痴得太實，要用電解先煉到出嚟。
用電就梗係貴，所以其實產鋁嘅國家全部都係平電價，印度，中國，俄羅斯，巴林，阿聯酋，南非（亦都同時係啲話Q知你污染嘅國家，又同時係啲國家補貼特多嘅國家）。冰島就係異數，但亦都係因為電平。因為有地熱同水力發電。
但冰島除咗旅遊業，產鋁，銀行（已死）同埋捕魚出名外，其實曾經有香蕉業。講緊差不多1940年代。
有些少常識都知，香蕉係熱帶／亞熱帶植物，冰島本身唔適合種蕉—甚至冰島根本唔適合種嘢（咪話耕地少，一係就山一係就火山灰）。但點種？在溫室種！冰島除咗溫室種蕉仲種好多嘢。
當時最初係因為入口生果有關稅（保護本土農業喎），生果貴，而冰島又有地熱，所以溫室種香蕉都有競爭力。後來就移除關稅（應該因為歐洲一體化），就當然收晒皮。
即使在1940年代仲有產蕉時，冰島啲蕉其實都係比較流。有溫室又點？冇乜日照嘛。人地赤道國家種蕉幾個月搞掂，冰島嘅搞兩年。唔執笠就假，係多得關稅先養住一排。
又不過，有個都市傳說話（BBC都講，其實好多時都錯），冰島係歐洲產蕉大國。首先，歐洲本身就唔多產蕉！大國係印度，中國，印尼，菲律賓，非洲同南美啲國家。另外，歐洲產蕉最多嘅，其實係法國同西班牙萄葡牙—但都係在海外屬地。意大利希臘都有，但你話在咁高緯度產蕉嘅，應該得冰島咁痴線。
彭博呢篇稿，都係講冰島一年九個月冬天，又冇乜太陽，先天根本冇可能種蕉。但勝在有地（唔使係耕地），有地熱，同埋（我講嘅），有錢。
而家又再興返種香蕉，一樣都係溫室，足球場咁大嘅溫室，六層。其實係一大個project，做埋resort種埋其他嘢，在冰島整到地中海咁喎。希望吸引遊客喎。好似亞馬遜個總部咁喎，或者好似新加坡濱海灣公園咁（一樣係有錢任性）
遊客怕且就有嘅，去睇下呢個項目都應該會。但嗰啲蕉，就真係有錢任性自high啫。
小弟只係讀過經濟101，但反而係讀衍生工具時，讀過講comparative advantage。係個相當靚嘅理論，實唔實用另計（其實都ok）
始祖李嘉圖用嘅比喻係衫同酒，英國同葡萄牙（因為某啲原因冇用法國）。葡萄牙膽正命平，人工成本低（係喎，幾百年前已經係，根本冇進步過），所以係有絶對優勢，整衫同整酒用嘅人力時間都係少過英國。但，係咪就葡萄牙生產晒所有嘢呢？唔係。
聰明嘅方法係，搵到英國有相對優勢嘅東西—即係話，葡萄牙係兩樣嘢成本都低過英國，但有一樣冇爭咁遠—就係衫（呢個例子佢啲數字亂作，但不影響大局），衫嘅成本葡萄牙低過英國少少，酒嘅成本葡萄牙低過英國多多，此所謂相對—所以根本係應該分工合作，葡萄牙全力做酒。咁咪冇資源整衫？就英國全力造衫！然後，有樣好東西叫做國際貿易。雙贏的
詳細，就梗係自己睇維基啦 http://bit.ly/2PTwtrf
重覆一次，第一次讀到呢個東西時，驚為天人。因為諗到嗰個真係天才，現實有啲咩阻力都係其次，呢啲就真係學術之美。
咁然後，唔知睇邊個寫（九成都係楊懷康之類），都係講呢個例子。講返，其實而家咁嘅時代，你英國整個溫室出嚟，整返法國咁嘅氣侯咁嘅風土（Terroir），在英國整波爾多紅酒，冇話唔得架！但浪費社會資源咁解之嘛。
所以，在冰島種蕉，其實都係咁嘅一回事。當然你睇到，現實至少仲有兩樣嘢。第一，上面有講，有關稅之下，好多其實冇競爭力嘅行業，都可以搞到有競爭力。極端啲以後邊個食宮崎芒果靜岡蜜瓜就打靶，迫你食本地嘢，冇話唔得架。你見韓國（以前）大陸（而家）都對進口電影有限制，同一道理。
第二，不幸地都要講，就都係政治。李嘉圖當然係pro trade （其實有冇經濟學家反貿易？）。但現實係，邊個保證聽日人地仲會同你交易。原本嘅例子，冇衫著冇紅酒飲好閒。冰島冇蕉食都好閒—但如果係糧食呢？都唔使咩好極端保護主義，都會諗糧食安全同自給自足—否則你全部糧食都靠進口，人地唔同你貿易你再多錢都冇用，燒銀紙啦。
第三，都係同上面類似。若果係打仗，一樣，一禁運你就坐低。好多國家都要進口石油或其他物資，一有阻滯嘅，唔會頂到好耐。二戰時德國海上封鎖英國，見艇就炸（最後自食其果）；盟軍一樣封鎖德國進口石油（結果迫到德國研發出煤轉油呢啲咁撚偉大嘅發明）；日本要偷襲珍珠港，希望快手打殘迫美國求和，完全唔敢打長期戰，亦係因為冇資源（亦因為咁要在太平洋周圍侵略）；而家南海咁多爭端，美國又要用島鏈封住中國，中國面對馬六甲困局（運石油），企圖用「珍珠鏈」（巴基斯坦，斯里蘭卡港口，緬甸，馬來西亞）反制，兼且搞咩緬甸高鐵巴基斯坦高鐵，一帶一路云云，好多都係因為直出印度洋。所以你叫人唔好生產靠同人地貿易，實際上好多阻力—邊個保證你聽日都仲同同我交易先？
巴基斯坦 緯度 在 [新聞] 巴基斯坦酷熱奪命喀拉蚩150人喪生- 看板TY_Research - 批踢 ... 的推薦與評價
https://www.cna.com.tw/news/aopl/201506220315-1.aspx
（中央社喀拉蚩22日綜合外電報導）巴基斯坦官員今天表示，南部港市喀拉蚩遭到10年來
最嚴重熱浪侵襲，氣溫飆升至攝氏45度，過去2天有將近150人死於中暑，另有數百人因為
熱出病來到醫院接受治療。
美聯社報導，喀拉蚩衛生部門主管艾賈斯（Zafar Ejaz）說，醫院的通報資料證實至少有
148人熱死。1位醫院發言人說，死者大都是老人，此外還有數百人因為發燒和脫水等相關
疾病就醫。
喀拉蚩的氣溫最高飆到攝氏45度，而地方電廠週末停擺導致情況更為惡化。
氣象專家表示，這波熱浪是至少10年來最嚴重的一次，但雨季幾天後就將開始，應有助情
況緩和。
喀拉蚩是巴基斯坦南部信德省省會，也是全國人口最多的都會城市。1040622
(中央社 2015/06/22)
--
※ 發信站: 批踢踢實業坊(ptt.cc), 來自: 110.28.149.79
※ 文章網址: https://www.ptt.cc/bbs/TY_Research/M.1434979345.A.146.html
... <看更多>