一萬follower有感，理財是終身的交流學習！
窮生呢個身份係2016年6-7月之際誕生，話咁快就差不多有年半的時間。以前窮生係一個三分鐘熱度之人，可以keep住寫咁耐野，連我自己都不敢相信。其實，初初開page的原因，純粹係因為想將自己廿多年學到既武功，有系統地一篇一篇整理出來，俾自己日後參考返而已。初初冇打算會有陌生人睇。所以普天之下，當初就只有窮太知道有呢個page既存在，而ｘｘｘ就是窮生，也只有她才知道。
由於我係有心避免熟人知道，呢年半，完全冇係任何地方提過呢個page，更加唔好講話落過$1廣告。我成日覺得，真正有用既知識，你冇俾錢我。仲想我俾錢求人睇？有冇咁不知自愛既事呀？最重要係由細到大我都相信，知識係要自己追求的。唾手可得，甚至主動吸引你黎睇既野，一定係有ｄ魔鬼細節係其中。呢個邏輯，放係求學同求財都係一樣，要學識享受追求既過程，而非單純看結果。
講到呢年半，其實我往往覺得窮生自己既得著多過大家。因為窮家有道，令我認識左唔少網友。有做生意做得唔錯既生意人，有年薪百萬的金融才俊(唔係倫敦金融才俊)，又有來各行各業既年青人加入，分享佢地見到既現狀。呢個page實現左我一直想要既野，就係知識上既give & take。大家係呢度得到我既知識同睇法，同時都留低一ｄ自己既角度。呢ｄ角度有合理，亦有唔合理。但唔緊要，最緊要係透過討論，又令我base on大家既角度再創出新既理論出黎，生生不息。
呢廿年，世界既經濟出現翻天覆地既變化。好多以前既金融知識，係２０１７年既今日已經不管用了。同樣，今日既知識，可以廿年後可能都只可以淪為笑話。要長久地係財商之路得到勝利，靠既就係不停學習，更新自己！早排重睇王家衛既《一代宗師》。有句說話講得好唔錯「唔好同我講你有幾打得，師父有幾咁巴閉，門派有幾咁深奧，功夫？兩個字，一橫一直，錯既，訓低囉！企得返係度既先係岩。」
窮生一身既武功，同詠春確有相近之處，就係範數唔多，簡單三招。你用得好，夠用有餘，舉一反三。唔拘泥於套路，事實上對手招招不同，而我地個個擅長既野都唔同。點會話有一套套路既睇完照做就會嬴硬？所以窮生常說最重要係心態同想法做好之後，技術要學不難，日常不時都會由淺入深去講解，盡我所識。你擅長既，不妨放低幾句係度，大家交流一下，有來有往，謝謝大家年半以來的支持！
希望大家同我一齊攻上去，向上流！
#山頂既朋友大家好 #今年係好充實既一年 #來年要更努力
