《時差》
♂：早晨
♀：早晨
♂：我暫時回唔到你住，夜少少再傾？
♀：今日忙？
♂：唔算忙，但有少少野做
♀：好，你做野先，我今日都忙，晏少少傾
♂：晚安
♀：仲於忙完喇？
♂：係啊，你呢？你忙完未啊？我今日好掛住你
♀：我都掛住你……
♂：你今日好攰？
♀：攰啊……無停過，好彩你今日都忙，唔係我真係覆你唔到
♂：咁你駛唔駛早少少訓？
♀：唔駛，同你傾多陣先
♂：嘻，好啊
♀：今日我做錯唔少野，搞到進度太慢，夜左收工
♂：咁你有冇盡到力？
♀：有啊
♂：有就夠喇，每個人能力都唔同，係天生既，係有限制既，但每個人可以控制既只有自己有冇盡力，盡力就對得住自己對得住人
♀：有時我會諗，咁辛苦為乜？
♂：你講過你好睇重金錢，咁金錢就係你辛苦既原因
♀：你覺得我係咪好庸俗？
♂：曾經我都係一個好討厭金錢既人，但人一大就知道討厭金錢係好天真既事，金錢可以帶比人太多太多，你可以用金錢去做自己喜歡既事，憑實力賺錢洗錢，又有乜庸俗呢？
♀：我以為你係一個唔睇錢既人
♂：我都仲係唔太睇錢，夠就得，但我唔會睇唔起金錢
♀：前日……我忍唔住查左你係做乜
♂：嗯，當我講得比你知，就唔怕你知
♀：有一刻我覺得我地可能睇野好唔同
♂：所以你當晚收回左幾句野？
♀：收回你都見到
♂：收回前見到
♀：咁你唔講
♂：你收回既，即係你都唔想提，我講黎做乜
♀：你無嬲我就得
♂：無啊，每個人都會有想法，你既然覺得講得唔洽當收回，即係你有諗過我睇到會唔開心，既然你有顧及我感受，咁我都覺得好夠了，更何況……我唔覺得你咁講有乜問題
♀：到香港？
♂：嗯
♀：放低封信比我既人係？
♂：朋友
♀：所以你封信唔係你唔想親手寫，而係你寫唔到，我一睇，所有野都通晒
♂：係，所以個條IQ題既真正答案你都知道啦
♀：你的確係同我講早晨，我有諗過點解你咁早訓，但原來你唔係早訓，而係你已經去到咁夜，其實你可以同我講啊，我可以早少少叫你訓
♂：你值得我夜訓，甚至唔訓
♀：你收到咁埋，的確係有驚喜，我以為自己估到好多野，但估唔到都比你呃左咁耐
♂：可惜，我估錯左，呢條伏筆本來打算當面同你講
♀：無辦法，本小姐太聰明
♂：你的確好聰明
♀：喜歡嗎？
♂：我相信無人會唔喜歡，而我剛剛照鏡睇過自己都係一個平凡人
♀：其實你一早同我講，我唔會想你飛返黎
♂：如果唔係要隔離，依家我就會係你面前
♀：然後呢？
♂：攬住你，錫你
♀：咁真係見你個日，我要帶定防狼噴霧
♂：溫馨提示，香港帶防狼噴霧係犯法
♀：咁我要重新考慮見唔見你好
♂：你可以考慮，呢個係你自由，但我可以話你知，我見到你，肯定！絕對！會攬住你同錫你
♀：乜依家色狼可以咁明目張膽？
♂：所以如果我見到你，我會假定你係想我咁做
♀：咁你睇下見唔見到我
♂：我睇完你咁講，諗緊一樣野
♀：諗咩？
♂：伸唔伸脷
♀：痴媽根！！頂，我差少少噴水，家陣你食硬我啊！
♂：其實我只係打字勇敢……到時可能握個手打個招呼都打冷震
♀：握手就打冷震，笑左
♂：我諗起西遊記入面吳孟達打個個冷震
♀：妖，你今日抽水抽得有點多，麻煩你收斂少少
♂：好喇，唔錫，唔打冷震，得未？
♀：咁都可以接受既
♂：明曬！
♀：咁……聽日再傾？
♂：我其實未眼訓，但你真係應該要訓喇，我都訓下，適應返個時差
♀：好，無時差真好
♂：係，可以陪你多少少！
♀：可以再多
♂：我怕你覺得我煩
♀：其他人咁做係煩既
♂：我會一直陪住你
♀：好喇，唔好亂承諾呢種事，做唔到就好肉酸
♂：咁我盡力去陪你，晚安
♀：晚安，記得刷牙
——
長傾·不見 第一回 @筆友
https://bit.ly/LongchatEP1
長傾·不見 第二十二回 @成長
https://bit.ly/LongchatEP22
實力賺錢 在 看板C_Chat - [閒聊] 專業實力與賺錢能力有關聯嗎 - 批踢踢實業坊 的推薦與評價