關於 寒天飲雪水點滴在心頭 ，我們在網路上蒐集到這些相關的討論、資訊與評價

寒天飲雪水，點滴在心頭。這次拍攝經驗很寶貴，真的很考驗我的毅力。總算完成了我的戲份，感謝上天賜我一副狼人一樣的身體。

雖然艱苦，但我也很感激劇組的兄弟姐妹，他們給我的關懷和鼓勵，比甚麼都重要。全靠他們，我才捱得過去。亞銘收到曬，在心中。

我希望把最好的，留給觀眾，希望你們會喜歡我的演出。

溫暖牌冷衫

現今嘅香港，人情紙咁薄，寒天飲雪水，點滴在心頭，你有無見過人會為咗離職嘅同事，親手編織一件美輪美奐嘅冷衫，用咗幾多時間，花咗幾多心思，我見過，我真係見過。

千里送鵝毛，物輕情意重，舊公司舊同事親手織嘅，送畀我，一針一線，仲好靚好舒服好溫暖喎，名符其實溫暖牌冷衫，我著過，我真係著過，𠵱家公諸同好，畀大家欣賞吓。

離開熱廚房，人走就茶涼，我嚐過，我真係嚐過，鳳毛麟角咁多。花花大轎人抬人，想人點對你，最緊要記得點對人，三行佬整門口，過得自己過得人，我做過，我真係做過。

無意義嘅嘢，做少啲，做疏啲，求求其其應付吓，激到對家紥紥跳，會開心啲㗎。若果係有意義嘅嘢，做多啲，做密啲，笑到尾至係真真正正嘅大贏家，我笑過，我真係笑過。

我鍾意，我真係鍾意，多謝同事濃情厚意。
我明白，我真係明白，希望大家都明白啦。
我快樂，我真係快樂，祝願各位快快樂樂。

寒天飲啤酒

上午，寒天飲雪水，點滴在心頭。從前明白，今天大大啖，更加明白，將來沒所謂明白不明白。

下午，大話夾好彩，出席咗一個不俗嘅演講，主人家禮數有加。邊個負責講呀，就係我自己啦。

晚上，即係𠵱家，一班昔日戰友，圍爐飯敘，西遊大話，寒天飲啤酒，暖意在心頭，唔記得哂官場現形記嘅冷漠啦。

儍人有傻福，烚吓烚吓，嘻嘻哈哈，好容易過一日㗎咋，唔使樣樣咁認真㗎，為咗杯寒天雪水，攪到自己點滴心頭，係完全無意義㗎。無意義嘅嘢，做少啲啦，真係走唔甩，係咁意扮吓嘢，求求其其就得啦。

我明，我希望大家都明啦。
我快樂，我希望大家都快樂啦。
鬥長命，笑到尾至係真正嘅贏家。
比開心，激到對家紥紥跳會開心啲㗎。

祝福大家，也祝福我吧！