有人問：「睇醫院直播唔睇荷蘭叻，難道手足就會好返？」「我做咩事要睇啲令我崩潰嘅嘢」？
答案是：不會的。
等如無論著到大紅大紫定係披麻戴孝去殯儀館，都係唔會令死者復活，甚至你祝主人家「年年有今日歲歲有今朝」，佢都唔會真係出年死俾你睇。
問題唔係死者的想法，而係生者的觀感。
如果表達出來的感覺係：你死就死啦，我係黎快樂抗爭，我想睇好靚嘅畫面，我唔想睇啲唔開心嘅嘢。
你諗下前線仲會唔會同你搏命？
以前啲港產武俠片，都會話「你死左，我同你風光大葬」，依家係我唔想知唔想理唔想見到令我唔開心，簡單來說就是「你死埋一邊唔好令我眼冤」，將涼薄帶到另一個新層次。
我唔係話睇荷蘭叻有問題，我唔係話睇荷蘭叻有問題，我唔係話睇荷蘭叻有問題（怕文盲多，所以要講三次），但睇完就算啦，大家明知無營養可言嘅，就唔好再轉嗰啲荷蘭叻廢老語錄，咁樣只係成功俾佢轉移視線。今天的重點，應該是關心將軍澳的那位朋友，我唔想俾啲垃圾洗版，大家還是收拾心情沉著應戰吧。
今日係英國Guy Fawkes Day，全國都會放煙花慶祝，但恕我不能同慶，我也沒那個心機放煙花。我係口賤，但還未致於說得出「難道我不放煙花，香港就會好起來嗎？」
我知道其實兩者沒什麼關係，但此時此刻放煙花，我做不出來，我只是做不出來。
#我再講多一次唔關睇唔睇荷蘭叻事
#但睇完就算啦唔好洗版
#完全無營養價值
#連討論呢個人我都覺得侮辱左自己
