Search
香港海關近日針對一間專售泰國貨品的連鎖店，指其一些貨品缺乏充足的中英文標籤說明，而採取了大規模的掃蕩行動。當局動員過百名貿易管制處人員，前往其全香港25間門市與倉庫，撿走市值40萬貨品，引來該店及市民質疑其「選擇性執法」。
因該連鎖店的「黃店」政治立場，就小事化大「嚴正執法」，而市面上售賣相同種類，亦同樣缺標籤的「藍店」以及其他店鋪，就全部視而不見，引來市民「爆買」去「抗議」，全港多間分店都出現長長的人龍，以表達市民對香港海關的憤怒，以及對該連鎖店的支持。
香港本身因為「國際化」及自由開放的經濟體制，令這十幾年來，進一步輸入全世界不同種類的貨品，但法例卻完全沒有彈性，如連沐浴露都必須有中英文的警告字眼云云。政府一方面假定所有市民都有智能電話，可以下載App來「安心出行」，卻又突然當市民是弱智，不能用同一部手機，來翻譯外語的警告字眼，這又是否合理呢？
🕷️🕸️〈#突發〉即將於年底上映的電影《#SpiderMan》最新一集名字又存在變數。據了解，香港版本將會有特別處理。有指第三集的名字為《Leave Home Safe》，亦即「#安心出行」的英文名，是為了慶祝App下載量造數達300萬次而設。有消息人士透露，故事會講述 #蜘蛛俠 來到香港，因為需要防疫隔離21天，於酒店悶到吽蜘蛛網。完成隔離後，即使他天天外出都使用App嘟QR code，卻沒有任何高危通知。結局是蜘蛛俠確診了武肺的奇情科幻青春戀愛故事。選角方面，傳聞將會由許姓男演員擔任男主角，但官方表示拒絕透露任何消息。
《年三十晚，我挑戰自己…去Five Guys嗌嘢食！》
首先，唔係廣告嚟！
但可能有人會問…
Five Guys嗌嘢食…好難咩？
無錯…
對百份之99嘅人嚟講…係唔難嘅。
咪就係一班外國嘅職員，
一個全雞腸嘅Menu…同一堆你未必識讀嘅配菜名之嘛！
所以…係有啲難…
對一個唔係成日講英文、又相對內斂，又天生有英語聽障…仲好怕「7在人前」嘅我嚟講…
更難。
所以，我成日想買…但每次都卻步！
而命運之日終於來臨！
今日同事問我：
「你今晚又自己外賣呀？咁要食好啲啦！話晒年30！」
聽到呢句…
我鼓起勇氣：「其實，我好想食Five Guys…哈哈。」
大家都奇怪…想食咪食囉？等咩？
我就將自己嘅隱憂，和盤托出！
一講之下，眼淚俱下…
而原來…大家都有啲同感！
同外國人Order嗰時聽唔明一兩句，的確好尷！
但呢個時侯，人性綻放光輝！
出名善良嘅Peter仔搭一搭我膊頭：
「我曾經食過一次Five Guys…等我幫下你呀…
總之你記住3個字…『All the way』!」
「無論佢問你咩！你都All the way啦！個Burger配菜多，你認真揀嘅聽日都未嗌到！
一句All the way！！你全都要，大家都Happy。」
但係…都唔可以一句打天下嘅…
萬一佢問你其他嘢點算？？
此時那刻，
英文勁到爆嘅 Eric仔都搭一搭我膊頭：「你唔記得仲有我咩？」
「總之…唔明嘅時候，就講…『Again』。佢就會repeat一次㗎啦。」
Um…這方法不錯，但如果佢repeat完我都唔明呢？
「再講多次『Again』，再唔明再『Again』。你again多幾次，佢驚過你呀！
佢後面成條隊，到時佢會幫你揸主意㗎啦！」
就連平時少出聲嘅阿May都加入戰團：「佢可能問你塊牛幾成熟，記得答『Medium』。」
我心諗：「其實…呢個我識…同埋…Five Guys問得咁細㗎咩？？」
anyway…人哋一片好心，所以我都點一點頭。
最後，我戰戰兢兢咁問：「如果…我要takeaway…應該點講。」
Peter仔拍拍我：「你只要講返Takeway就得㗎啦。」
係喎…Peter仔真係心水清！
原來我個問題，已經包含答案。
人生，有時就係咁簡單～
但Peter仔同時補充：
「不過你其實唔使講…因為呢家一過咗6pm，係無得唔takeway㗎…」
OK fine…
我得返一個問題：
「佢逼我用安心出行咁點算？」
Eric仔答我：「咁你就直接 屌佢老母 啦…」
我：「What？鬼佬嚟喎，聽得明？」
Eric仔：「咪係囉，一個鬼佬如果逼你用安心出行，你都一樣聽唔明㗎咋。
你問完未啫，去買啦。收得工啦。再同你傾落去，我OT㗎啦。」
好啦。我終於踏上征途…
同時做好晒資料搜集。
由於Five Guys閒閒哋一餐…都舊幾兩舊水，
所以我保證自己有足夠現金（但其實可以碌卡的…）
一上到去，我深呼吸…見無咩人，正合我心意。
正前方，一堆外國人已經齊裝待發，等我Order…
胃，不禁有啲痛。
但Peter仔、Eric仔同阿May嘅靈魂彷彿喺背後推動我…
「One CheeseBurger, All the way…..Large Fries and Chocolate milkshake」
我得咗啦！
見到外國哥哥好似無咩疑問，將我嘅Order不斷輸入…
我知道！我成功咗！我嗌到啦！！！！！！
呢個時候…趁我信念一鬆…
外國哥哥問咗我一條問題…
我…完．全．聽．唔．到．佢．講．咩。
最恐怖嘅事態始終都發生，眼下我有兩個選擇。
A：9答「All the way」，但我都幾肯定唔關事…
B：另外就係「again」…而我嗰下覺得，佢就算Again…我可能都聽唔到…
於是，我行咗第三條路。
「OK。」
究竟我OK緊啲咩？
連我自己都唔知…但外國哥哥又好似好ok！（之後冷靜返個人，回憶返，佢應該係問我薯條要咩味…）
最後，當然無風無浪…
得到我想要嘅結果。
所以呢篇文，有兩樣嘢想講。
第一樣係：
其實有啲嘢…
你知道落少少苦功就做到，
但偏偏鍾意逃避。畀好多藉口自己，驚7，就係唔敢試一次。
明明，你做得到。
第二樣係：
我咪order咗杯milkshake嘅。
我將佢擺埋落放Burger&薯條個紙袋度…
本身無咩嘢…落街咗幾十步。
發現「唔x妥喎！」
個紙袋好似 天津核電廠 大爆炸咁！！！
上上下下都穿曬窿！
所以第二樣想講係…
『Five Guys你個紙袋好薄呀！！！！！！！！』
P.S. 篇文無無聊聊你都睇晒，多謝你！祝你新年快樂！
MeWe：張晨
https://mewe.com/p/張晨
P.s. 用app有機會彈app…可搜尋「Cheungson」
IG: cheungson88
https://www.instagram.com/cheungson88/
（很少人Follow的acc，有時說說生活事）
