關於 好鍾意食呢種口感嘅麵包 ，我們在網路上蒐集到這些相關的討論、資訊與評價

Cici烘焙煮意: 【有機黑亞麻籽脆脆麵包】🍞

足不出戶，除咗要休息，少玩手機，就抽少少時間煮食。

Cici一向唔鍾意整麵包，嫌做麵包過程繁複，需好多功夫，但上次食咗左髀•入廚樂自製嘅麵包🍞，加上佢同另一位朋友嘅鼓勵，二話不說即刻做。無論材料同做法都超級簡單，cici 第一個自製麵包🍞終於出世啦 🤩🤩

呢款麵包好健康，無油、無糖，無添加，我仲加入有機黑亞麻籽，絕對唔肥 🤣🤣🤣

食譜參考自 『左髀•入廚樂』

材料:

速酵母 5g
鹽 5g
溫水 250ml (約50°C）
高筋麵粉 300g

做法:

1. 將酵母、鹽、50度嘅溫水加入盆中攪勻，再加入高筋麵粉（不用過篩，可直接倒落去）拌勻後，蓋上保鮮紙密封，進行第一次發酵，時間約40分鐘，頓時麵團會發大一倍。

2. 40分鐘後，在麵團表面灑上少許麵粉，亦在板上灑上麵粉，取出麵團，排氣，隨意的摺幾下，滾圓後，在另一盆先放上牛油紙，把麵團放在牛油紙上，再蓋上保鮮紙及布，進行第二次發酵，時間約20分鐘。此時蒸焗爐放入Staub鍋連蓋，調較「熱風對流」mode 預熱230°C，時間20分鐘。

3. 20分鐘後，在麵團表面噴少許水，灑上有機黑亞麻籽，可以在麵團表面用刀鎅一下，（隨意可做或唔做)

4. 從焗爐把Staub鍋取出 (記緊戴上隔熱手套) 🧤，將牛油紙連麵團一併放入 Staub鍋，蓋上鍋蓋，以230°C；焗30分鐘。

5. 30分鐘後，打開鍋蓋，取走牛油紙，毋須再蓋上鍋蓋，將鍋再放入焗爐，以230°C焗8至10分鐘，直至麵包表面成金黃色。

6. 取出放涼待，切件，即成。

✳️小小貼士✳️

🍞 可以用LC或 Staub 18cm及20cm 鍋

🍞 麵包出爐嘅時候，皮真係脆卜卜，但當攤凍咗之後，變咗一種有少少煙煙韌韌嘅脆皮口感 但內裡係十分軟熟

🍞剩下來嘅麵包，可以放入密實袋，之後放入雪櫃，取出再用焗爐或乾鑊烘熱麵包，就會變番好脆嘅法包咁，再塗上喜愛嘅牛油或果醬

******💜Cici小廚房💜******

📌 FB page: http://www.facebook.com/cicikitchen
📌 IG: http://www.instagram.com/cicikitchen
📌 Blogger: http://www.cici-kitchen.com
📬 email: [email protected]

#有機黑亞麻籽脆脆麵包
#無油無糖無添加
#免搓麵包
#自家製麵包
#加有機黑亞麻籽好健康
#十分感謝左髀鼓勵同分享佢做麵包嘅短片畀我
#好鍾意食呢種口感嘅麵包
#不過我淨係想學整簡單的麵包
#複雜嘅就唔好搞我啦
#pzo多功能蒸焗爐
#hkkol #hkfoodblog #hkblogger #hkfoodblogger #hklifestyleblogger #hklifestyle #homemade #homemadebread #naturalbread #Staub #Staubpot #Ilovecooking #cicilife #cicilovecooking #cicicookinglife #cicikitchen #cici小廚房 #cici生活點滴

#高cp值必買 #東京便利店 #東京便利店手信

Hello大家好, 今日又為大家介紹東京池袋無敵家對面嘅711便利店,
池袋係喺東京旅程中一個幾好住嘅旅館地區, 大家可以去無敵家食完宵夜, 再過嚟呢間7仔買零食早餐,旅行用品、手信一樣方便,
快啲睇下今日嘅十大必買, are you ready?

第一必買, 7 PREMIUM GOLD黑毛咖哩牛肉, 我要介紹畀大家, 7 PREMIUM GOLD喺日本7-Eleven屬於「最高級嘅自家品牌」, 產品嚴選日本優質原材料，採用日本精湛生產技術製成。只要大家認住呢個logo, 下次去7仔就唔使淨係感覺上買cheap嘢.其實7仔都可以買到好多優質嘅食品同用品,而且佢係著重品質高而價錢低嘅商品, Premium Gold 金色咖喱牛肉是日本7-11 旗下最高級的食品系列，
呢款嘅咖哩牛肉100%使用安格斯黑毛牛，加入切得很細碎的洋蔥，再以紅酒，烤雞，黑毛牛、糖、蔬菜燉煮，淋喺飯上面絕對好食到停唔到口 ,第二必買, 森永蘆薈乳酪飲品, 呢個產品包含蘆薈衍生的三聚酚和蘆薈衍生的環戊醇，可以增強皮膚的水分保持力並且增加水分含量。旅行舟車勞頓一定唔夠瞓, 飲咗呢個飲品, selfie都會靚啲。
第三必買, 如果你大頭蝦唔記得帶洗面奶, 又或者唔想咁重攞上機, 呢個雪肌粋旅行護膚套裝就最啱你,肌粹係遊客喺7仔嘅搶手貨, 亦係高絲集團經典系列「雪肌精」嘅姐妹品牌，親民嘅價錢, 不管自用或送畀人都好適合。「雪肌粋」是日本高絲集團與7-11共同開發的商品系列，同雪肌精一樣添加有薏仁淬取液同埋漢植物精華，
堪稱高CP值必買產品，套裝裏面嘅雪肌粋淨白洗面奶white washing cream,同埋雪肌粋卸粧oil in cleansing gel, 絕對係呢個品牌嘅皇牌產品, 你值得擁有,第四必買, Papico朱古力latte咖啡冰棒, 口感香濃順喉嘅咖啡味, 可以用口同鼻都享受到,外型似汽水樽,一包裏面有兩樽, 情侶可以買一包就夠喇,好似我哋細個食過嘅孖條,市面上咖啡味嘅雪條比較少, 凍冰冰一對小情侶喺街度相擁食雪條, 呢啲叫做咩呀?係愛呀!

第五必買, 山椒香鹽撈麵,去日本梗係要買即食麵喇, 但係咁多款點揀好呢,呢個麵厚而有彈性的細麵條有山椒嘅味道，附有特製鹽味的雞肉湯, 記得個湯係放落另一個杯嚟享用,包裝有寫明㗎, 而且佢只需要焗一分鐘就夠,無論係宵夜、ot都最方便啱食、亦係長期糧尾嘅至愛。

第六必買, 炙燒辛子明太子, 明太子來自於助惣鱈的魚卵。明太子嘅用途非常廣泛, 可以用嚟送飯、加入意大利粉 ,亦可以搽喺麵包餅乾上, 當下午茶, 明太子是魚卵，除了有DHA和EPA能幫助血液循環、仲可以促進腦部發展、降低血液膽固醇等效用之外，更加含豐富嘅蛋白質、維他命B1、B2、E和礦物質鋅等營養素。尤其係礦物質鋅，配合蛋白質的作用，可以幫助發育、能量代謝、傷口癒合等功能。又要食得平, 但係又要豐富營養, 其實日本食品有好多選擇。

第七必買, 暖腳板貼, 最高溫可以去到43度攝氏,平均溫度係37度攝氏, 可以持續五個小時,如果你成日手腳冰冷, 又去到啲好凍嘅國家旅行
,呢樣嘢就最適合你, 送畀老人家都好窩心,因為老人家通常活動量較少, 貼喺個鞋底就ok啦,唔好直接貼喺腳嘅皮膚。

第八必買, 關東煮, 通常材料包括雞蛋、蘿蔔、薯仔、海帶、蒟蒻、魚丸、竹輪（魚漿或豆類製品）等等,將呢啲食材每種都分别放在一個個的鐵格仔鍋中，用海帶鰹魚熬製的高湯細火慢煮，煮好後就可以吃啦,看似普通的燉白蘿蔔，入口即化。根本唔需要咀嚼,蘿蔔亦吸收咗高湯嘅鮮甜味 ,仲有白玉子,即係關東煮嘅水煮蛋，鹹味中帶著一點鮮高湯甜味,厚實嘅椰菜卷，加上雞肉餡料，經過高湯浸過之後,回味無窮。仲有牛筋串、厚炸油豆腐、炸魚肉、蒟蒻絲、雞肉小福袋,
便利店24小時開放, 旅行一日三餐,可以揀一餐食關東煮, 2 30港紙就已經食得飽飽喇 。

第九必買, 日本明治Colaup可樂樽軟糖,特色就係超彈力， 好有趙勁、可樂味好重 ,食完個口會有好香可樂味, 我有位好朋友,即將會同男朋友去馬來西亞旅行,但係男朋友好鍾意食榴槤, 我個friend就好討厭榴槤味.所以我買咗呢隻糖畀我朋友, 佢自己食咗就聞唔到男朋友嘅榴槤口氣.一係就叫男朋友食完榴槤之後食呢隻糖,如果佢男朋友食完榴槤, 再飲罐可樂, 返啲氣出嚟, 我都幾難想像,所以都係食呢隻糖喇,
第十必買 , 便利店都有好多雜誌賣㗎,上次我講過, 喺日本買雜誌好多贈品㗎啦,唔知道你哋喺唔喜歡我今次呀介紹呢?記得留表情符號以示支持,入7仔點止十件必買咁少呀,約定你, 下一條片見, 88.
請用片右下角調4K睇片。