【《#情系一線》：給3X歲一事無成，但又不斷喺失敗人生路上奮戰嘅你同你】
假如《#她和他的戀愛花期》係最寫實又殘酷愛情物語，《情系一線》就係最夭心夭肺嘅人生成長日記。我諗首先要搞清楚呢套唔係愛情片，都坦白講，開頭以為係愛情片，你唔係好知佢做緊乜，都心諗乜咁老套，但會漸入佳境。
假如人世間所有偶遇都係久別嘅重逢，咁點解我哋會相遇，又幾時會相遇？表面係講緣份講一條紅線，但呢條線都係一條人生嘅線，凡走過必留痕跡，同唔到某君一齊你總會遇上下一個；即使相愛不能在一起，果段時間你總會學到啲咩、有所得著，繼而呢啲交織又會影響到其他人其他事。
我哋人生匆匆走到三十幾歲，唔算好老都唔後生，都有過一定人生閱歷喇。你可能曾經風光過，但總有更多失敗；經歷過生離死別，一次又一次嘅出賣同傷害，你會傷你會痛，對人歡笑背後垂淚、痛不欲生都經歷過，昔日嘅夢原來真係得個夢，到最後，我哋咩都唔係，只係場幻夢。
「為何要活著？」我哋都問過自己。
「我很好……我很好……」我哋都曾經安慰過自己。
女主角一個人食豬排飯百感交集又笑又喊，除咗係小松菜奈演技大爆發，都係曾迷失過低潮過嘅人會共鳴一刻，目測全場唔止我一個哭成淚人。
其實唔煽情，但果一刻好中我心。
好痛，好累。
但係呀，再痛再苦，路還是要走下去。
嚟到咁上下年紀，你會諗返，呢一生真係好不堪，但你呢一生總曾有人幫過你、對你有恩；嚟到呢個年紀，你除咗深明識人好過識字，都學識要報恩。果個曾經絕處扶持過你嘅人，點都好，要多謝佢。冇為啲咩嘢，就係應該要多謝佢。
我哋唔會相信有咩係永恆，都開始明白有好多嘢係整定，呢一堆雜亂嘅線，總會去到結果嘅一刻。
曾經嘅失敗係經驗、曾經嘅痛楚係活下去原動力，你只係三十幾歲人，仲有機會扭轉絕望。
我哋歷盡痛苦嘅關係，既然最終要痛不如唔好開始。我哋冇咗以前嘅衝動，想愛就愛想講就講，凡事都不如留一線，睇定啲先啦；唔係淆底係保護自己。佢好似好幸福，都無謂打擾人啦。
作為觀眾你應該都會諗，喂追啦！但退後一步，現實嘅你都會一樣，算啦。
緣份嘅嘢。
到我哋好累好累喇，兜兜轉轉，原來係你。何處為家，你就係我心之所屬。
凡走過必留下足印。
獻給所有3X歲一事無成仍繼續奮鬥嘅你同你。
雖然冇《她和他的戀愛花期》咁寫實，最後一幕係有少少odd嘅，個人都覺得破壞咗，但如果你鍾意《她》片，呢套都應會搵到好多共鳴位。
《情系一線》觀後感全文可看留言連結。
晞。觀影記事13週年包場《#黑寡婦》巨幕版已公開預售！請即購票：https://bit.ly/35EHdTf
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
好多嘢係整定 在 #好多嘢都係整定 - Jelajah | Facebook 的推薦與評價
explore #好多嘢都係整定at Facebook. ... <看更多>