《常餐5小改變 慳足800kcal 》
中秋節、黃金週假期過後，係時候食得健康啲！等我接下來兩星期，會寫10篇介紹健康減肥午餐，大家記住按「搶先看」，密切留意啦！🤗
之前我都提過大家，常餐有好多配搭，「小改變，大改善」，只要做以下步驟，已經可以慳到800卡路里，跑少差唔多兩個鐘！
1.慳230卡：午餐肉轉火腿鮑魚絲
午餐肉每100克（約兩片，半寸厚）已經肥過一碗飯，約287卡，當中含有四茶匙油！火腿鮑魚絲脂肪含量低10倍！不過屬於精製肉類，一星期唔好食多過三次啊！
2.慳200卡：公仔麵轉通粉
每一個公仔麵大約有三茶匙油，而且經過高溫油炸嘅面含較高丙烯酰胺，增加致癌風險！
3.慳90-135卡：炒蛋轉煎太陽蛋
每兩隻炒蛋平均有4-6茶匙油！而且越滑越多油！
4.慳108卡：多士走牛油
一湯匙牛油約有108卡，我見好多人仲要加錢轉奶油豬仔包，至少多200卡呀！
5.慳150卡：奶茶轉為檸茶
平時我都會忍唔住飲奶茶，但睇我Instagram 嘅朋友都知道，最近我實在食得太過分😂
我覺得呢間嘅蕃茄通粉好足料，而且豬潤通都好好食，其實出街食都可以食得好健康呀！😋
#飽住瘦 #食得啱 #長氣 #營養師 #溫故知新 #直至大家都食得健康 #增肌減脂 #減肥
奶油豬仔包卡路里 在 W8 小貼士💡 揸麵包的選擇🍞 果占？花生醬？牛油？奶油豬 ... 的推薦與評價
奶油 豬？ 很多人都以為煉奶肥過花生醬，但其實花生醬是熱量較高的，因為如果那種食物脂肪高，是比糖份高更 ... 香脆奶油豬仔包(>200 Kcal)和鮮油西多士(>500 Kcal). ... <看更多>