《奶奶第一次收花》
喺我哩埋咗嘅呢個幾星期，其實我好掛住大家！但我一分鐘都唔敢怠慢埋頭苦幹，為的就係喺奶奶嘅大日子，送上我親手造俾奶奶嘅花花生日蛋糕！
奶奶七十有一了，記憶中我同意佬每年都四海為家，結果冇一年可以陪老人家過生日。依家難得可以相聚，我又奴性發作，好想做返少少嘢彌補返奶奶呢幾年嚟冇仔陪過生日嘅難耐。
奶奶喜歡種花，所以佢從來冇收過花，屋企人話佢自己都會種啦，洗鬼買咩🤣不過天下間又有邊個女人唔鍾意收花吖？於是乎我決定親手造一個花花蛋糕送俾佢。
之前送俾外甥B女嘅芭比蛋糕要搓搓切切好考心機耐性，而整奶油霜花花除咗要耐性仲要技巧！which is 我冇！點算？一切從零開始！
買齊材料架生後，每日朝早7點起身就打奶油霜，午飯後練習吱花，晚飯後就喪刨網上教學至半夜。意佬見我好似要去考A-level 咁🤭，成枱都係顏料，同時個海綿蛋糕整極都唔啱口感，搞到成廚房都係雞蛋殼，似乎個「實驗室」就快要爆炸咁🙈，叫我不如放棄，整吓puff就算，我懷疑佢呢招係激將法，分明想撩交打✊🏻。都怪我太硬頸，默唸「只要有恆心，奶奶收到蛋糕就開心！」起貨前一日，自己都唔覺企足喺廚房半日練吱花，攪到對腳企到水腫又紅又脹，雙手已攰到震哂，開始有啲懷疑人生😔問自己係咪真係要放棄？
皇天不負有心媳婦，交貨前嘅幾粒鐘，神奇事情發生了，俾我吱到幾朵似樣啲嘅花花！嗱嗱臨隊哂入冰箱雪硬佢哋然後上碟。
過五關斬六將，終於喺奶奶生日嗰晚奉上了蛋糕。奶奶第一次收花，仲要係食得嘅，滾動到呆咗。我叫佢換返套靚衫影相，佢話：「唔洗啦，我眼前嘅一切都很美，套衫靚有咩用？試問有邊個奶奶好似我咁，有你呢個咁為我諗嘅好新抱？」我聽到都有啲尷尷尬~heehee，唔知點解真係冧過聽意佬講佢娶咗個好老婆🤣
小女第一次成個生日蛋糕由零開始做起，仲要今次成個都食得嫁😆。雖然過程好似好複雜，但其實除咗啲花花，拆開嚟逐樣整，就好簡單☺奶奶唔食得太甜，所以份量方面我自己加啲減啲自創一啲啲，真係好好玩，屋企有小朋友仲可以一齊玩溝顏料添。
至於蝦碌食譜就會放喺Instagram @misi_gipsy_italy，都係嗰句~唔準笑得太大聲🤫。By the way, 有冇人睇得出除咗玫瑰花，個蛋糕仲有咩花？😆
Instagram @misi_gipsy_italy
#嫁到意大利 #生根唔落地
#奶奶大生日 #玫瑰花蛋糕
#海綿蛋糕減糖版
#意大利廚房 #入實驗室㩒緊急制
#misi_gipsy_italy
#BirthdayCakeForNaiNai
#SpongeCake
#ButtercreamFlowers
#RosesPiping
#SwissMeringueButtercream
#NeverGiveUp
#FightTillTheEnd
#AnotherMissionDone
奶奶大生日 在 雲姑【送爸爸媽媽爺爺奶奶生日禮物實用老年人祝壽禮品老人 ... 的推薦與評價
雲姑【送爸爸媽媽爺爺奶奶生日禮物實用老年人祝壽禮品老人父母親60大壽】. NT$1,980. Message. Details. Store Information. See page. ... <看更多>