【《#人造母者》（I am mother）短評幾句】
#晞Netflix記事
大家嘅評價都幾極端，有大讚都有大彈，個人就覺得普普通通啦。一個少女自細俾機械人湊大，同佢講外邊已經世界末日咗，直至有一日有個神秘女人走入嚟，叫佢唔好信「母親」，到底邊個真邊個假？
因為「唔知出面咩環境，所以就要信眼前呢條友」個設定，幾似《末世街10號》，當然果套高班兼緊張好多，呢套睇睇吓以為係《智能叛侶》或者《太空潛航者》，原來都係果味嘢，仲有少少悶。
前大半段係幾緊張兼懸疑，成套戲就得兩個人類主角，加一個好Creepy嘅機械人。到底邊個係好人邊個係壞人，喺呢種末日式困獸鬥設題上，要靠女主角自己逐步搵出真相，係拍得幾有迫力，之但係成件事解唔解得通，就見仁見智。
講機械人改裝人類、「新人類」等等，有無數套同類題材，呢套唔算特別有爆炸性，而結局想講人性善惡，甚至有少少哲學色彩嘅有雞先定有蛋先問題、到底個「母親」係好唔係好人嘅開放式手法，帶動到反思，但鋪排上就有少少多餘，令結局好似搵嚟搞咁，感覺就有啲累贅喇。
早前同大家介紹疑似「搞笑版Black Mirror」嘅《Jexi》同呢套，都係由Rose Byrne配人工智能聲，又幾得喎。睇完先知原來佢係澳洲人（呢套係澳洲片）。
☑小弟的原創小說現已上架，詳情請看：goo.gl/3g4Hk8
☑自製南美明信片正式開售，請多支持：goo.gl/Dfmpbc
【IG請follow】www.instagram.com/travelerwithmovie
太空潛航者netflix 在 太空潛航者netflix在PTT/Dcard完整相關資訊 - 星星公主 的推薦與評價
提供太空潛航者netflix相關PTT/Dcard文章，想要了解更多太空旅客下載、太空旅客線上看、太空潛航者netflix有關星座與運勢文章或書籍，歡迎來星星公主 ... ... <看更多>