【情人節係咩嚟㗎？ #バレンタイン vs #ヴァレンタイン 】
2月14日係「 #情人節 」，
英文寫作「Valentine's Day」，明明係「V」字頭，點解日文又拼作「バ」（ba），變成「B」字頭呢？其實日本人早響1806年，已經對「V」字頭嘅外來語拼音，以「ヴ」呢個字嚟表現。「ウ」（u）加上點點「濁音」化，表現出門牙觸碰下唇發出震音，如「vu」嘅發音，被稱爲「濁唇齒擦音」。
不過響1954年（昭和29年）響「國語審議會報告」中就寫到，建議用較易發音嘅「バ行」（ba行）嚟表現「V」字頭外語。於是就出現咗 #ベトナム（Vietnam 拼成 betonamu）#バイオリン（Violet 拼成 baiorin） #テレビ（Television 拼成 telebi）等詞彙。到咗1991年嘅國語審議會，又改番以較接近原音嘅「ヴ」（vu）嚟拼「V」音字喎，於是好多字都出現兩個版本，好似越南「 #ベトナム 」可以寫爲「 #ヴェトナム 」，小提琴「 #バイオリン 」亦可以係「 #ヴァイオリン 」（詳見備註）。兩個版本咁複雜，連大人都搞唔掂啦！爲免小朋友誤會，小學會先教「バ行」拼音，直至中學先教番用「ヴ」嚟拼。不過其實好多日本人，都唔係好發到「V」音，所以就算寫成「ヴ」（va），好多時都會照讀番做「バ」（ba）㗎。
不過無論情聖叫「華倫天奴」定係「爸倫天奴」都好，今年情人節，就肯定係赤口。各位有另一半嘅同學仔，小心睇路啦。😎
備註：雖說兩個拼音也通用，不過讀起嚟語感或有不同。好似小提琴，聽講音樂家們都喜歡用「ヴァイオリン」話聽落比較專業，不過NHK電視台就傾向標爲「バイオリン」，至於國家名如越南，就傾向用番「B」音嘅「ベトナム」，以免有人讀唔到喎。
#遇上對的人
#天天也是赤口或情人節
#一念天堂一念地獄呀
#見字學日文協會
➖➖➖➖➖➖➖➖
👉 追蹤 #PEGGY先生 👉
#ペギー先生 #peggysensei #フォロー宜しく🙋🏻♀️
🔵 F B：peggysensei
🟤 I G：peggysensei
🔴 YouTube：peggysensei
🟠 MeWe：peggysenseijapaneselanguageinstitute
➖➖➖➖➖➖➖➖
天天也是赤口或情人節 在 valentine's day日文-推薦/討論/評價在PTT、Dcard、IG整理一次看 ... 的推薦與評價
備註：雖說兩個拼音也通用，不過讀起嚟語感或有不同。 ... 天天也是赤口或情人節 ... 不知道你們懂不懂那種自己生日剛好跟節日一起，或是那種生日都在寒暑假，小時候都 ... ... <看更多>