肌。慾 （1）<<回憶>>
以下故事純屬虛構，如有雷同實屬不幸：
十年前
「佛奇,我將來一定會成為世界健美冠軍！」
「哦⋯⋯你做到再話我知啦！」
雖然佛奇口裡表示不悄，但心裡卻默默為哥哥乃飛打氣，相信他一定可以成功的。
日子一日一日過，佛奇眼看著乃飛的身體一天一天變大，佛奇雖然早就預料到，但親眼看到身邊的人出現這麼大變化，還是感到很不可思議。
「哥哥，我地去公園比武啦！」
「唔好啦佛奇，我唔想令你受傷.....」
「哥哥，你會唔會太自大呀！黎啦！」
佛奇所說的比武就是拔河，他們自小就趁著家人不在家就到附近的公園比試。總括來說兩兄弟實力不相伯仲，乃飛比較懂發力，佛奇卻天生有股蠻力，所以他們到現在的比賽也是十勝十負。
「三、二、一！」二人一同倒數完就開始發力，哥哥雙腳程半屈膝狀如坐著無影櫈，身軀微微往後傾，雙手貼著自己軀幹緊握著大麻繩，用力穩住繩子不向前傾也不向後拉，而佛奇則開始用他的蠻力，咬實牙根不斷向後拉，看著乃飛還是原封不動的站在原地，佛奇更是著急了，雙手開始貪心地向前邁進，看到乃飛雙腳稍稍向前移了半步，佛奇興奮地伸手向前用力一拉！
「呀～～～～！」一聲淒厲的叫聲由佛奇發出，「佛奇！你冇事嘛！？」原來佛奇被乃飛一下發力整個人向前拋，他還未來得及反應單手落地作支撐以免頭部著地，但由於落地衝擊太猛烈以致發出「咯擦～」一聲，由佛奇的左手發出。
「哥，我好L痛呀！」佛奇眼角泛淚光，乃飛已知大事不妙馬上招救護車。
「佛奇,你忍下啦！好快就到醫院！」在救護車上乃飛不斷安撫著佛奇,另一方面亦感到很內疚。「哥哥...我想問...點解啱啱...你可以咁大力...」佛奇一來不想乃飛太膽心，二來真的很不解，明明自己八十多公斤，加起自己發力應該超過一百多公斤，怎麼可能會被拋起呢？
「係咁既，首先雙腳要同膊頭平行，咁樣先可以令成個人企穩，然後雙腳要半屈曲，好似坐無影櫈，咁先容易比屁股向後發力，然後背要向後傾，同埋腰要保持挺直以免腰向太大壓力而受傷，最後......」
------------------------------------------
「鈴鈴鈴鈴鈴....」
「shit!又係咁！到底阿哥最後同我講左啲咩呢？」佛奇又再次被電話的鬧鐘從回憶夢帶回了現實，自從乃飛哥哥過身後，佛奇就經常夢到與哥哥從前的生活片段。
「唔通.....」佛奇若有所思地望著自己的左手。「唉！唔理啦！番工！」佛奇拍拍自己的臉，清醒一下就去梳洗上班。
「奇哥、早晨」
「奇大佬、早晨」
「大佬奇、早晨」
「大家早晨呀～」佛奇一句回應了各個恭維的問候，然後施施然拿出三千元放在經理的桌上。
「哩到係今日、聽日同後日既。」然後頭也不回去換制服。
大家應該很好奇現在到底是什麼狀況，佛奇又是什麼人物令大家對他阿諛奉承？
佛奇奇實只是一位很普通的健身教練，由於公司規矩任何人遲到一次都要罰一千完，而佛奇一向都不會按照時間表上班，只會按照客人上堂時間上班，因此他基本上每個月都會花幾萬元來換取「遲到」。不過這些錢對他來說算不上什麼，因為他是全店銷售額最高的一位教練，他一個的銷售量能抵十個教練，因此每位同事都對他畢恭畢敬，經理對他所做的一切也是「隻眼開隻眼閉」。
「....七、八、九、十，好！黎多五下！」佛奇低著頭玩電話，一邊數著拍子，這就是他的上堂模式。
「好啦..今堂就差唔多啦！咦～秀玉呀！原來我地得番十五堂咋！黎緊既訓練program十五堂唔夠喎，因為我要更加集中針對改善你條腰嗰個水泡仔，仲要喺夏天前練條馬甲線出黎！好冇呀？」就這樣，佛奇輕輕鬆鬆又售出了八十堂，其他同事看到既不憤，又不得不服他。
「喂，肥沾，你睇哩條女得唔得？」佛奇口中的肥沾，是公司裡唯一的朋友，肥沾其實並不肥，反而肌肉量多且線條很美，身形很均稱，比佛奇身材好多了，但他卻一直視佛奇為偶像，而因為他為人較老實，所以銷量一直平平無奇。
「哇！得喎！邊到識嫁？應該有D喎..」
「你個肥沾識啲野喎！我啱啱上堂嗰陣喺嗰個apps match到，約左今晚出黎，試試佢先。」佛奇已露出一張餓狼的樣子。
「記得開live呀！」肥沾也跟著興奮起來。
本集提要：記唔記得男主角玩拔河跌親呀？其實佢都傷得唔輕嫁，遲啲大家就會知道！不過大家要記得做任何運動都要用正確既姿勢同正確發力，就好似拔河咁，你能夠好似乃飛咁做就冇咁易比人拉跌啦！你個重心唔可以向前傾，因為除左用手、背、臀發力外，更重要係將整個人既重量都加上去，令對手唔會咁易將你拉倒，但若果你有一半身向前既話，代表你幫對手減去你一半既體重，咁對手就好易有機可乘啦！其實唔止拔河，其他運動一樣，唔識發力，用錯左肌肉/做錯左動作，都好容易受傷，所以大家一定要搵啱方法去做運動健身呀！唔好話運動啦，職安健都有教大家點樣用正確姿勢搬野啦！係米？；）大家有咩運動問題記得問專業既教練啦！
現代寫實長篇奇情小説，以後逢星期四晚，準時連載!!!!!
脂太 著
大麻飛不起來 在 Re: [閒聊] 日本人:日本不懂大麻真可悲- 看板C_Chat - 批踢踢 ... 的推薦與評價