唐包點對於香港人來講一啲都唔會陌生，唐包點由起初只有中式蒸包，然後到蒸飯，蒸點心，陸陸續續加咗好多新嘅食品，而家連粥，糖水同冰鎮奶茶都有，由於新推出嘅食品款式好多，不能盡錄，而每間分店都會有少少唔同 而家港鐵站入面都會有唐包點嘅出現，真係好方便
本身諗住買蒸飯同點心，發現咗新推出左港式風味，有咖喱雞飯，魚香茄子飯，秘製豬軟骨飯，最後我揀咗咖喱雞 $29
咖喱雞嘅餸同埋白飯係分開既，配菜有蘿蔔，洋蔥，薯仔，餸菜嘅份量都唔算少，三次同喺普通茶餐廳食嘅份量差唔多 個咖喱汁微微辣，個咖喱汁都幾香，雞塊都啖啖肉，肉質嫩滑
至於蒸飯方面，新推出左梅菜肉餅飯同埋牛肉餅飯，而我個人就最鍾意係梅菜肉餅飯$27 唐包點用嘅係甜梅菜，簡直就係我嘅最愛，個肉餅唔會落左太多嘅鬆肉粉令到個肉餅太腍，我好滿意呢個肉餅
而家重新推出左兩款糖水，分別係番薯糖水同埋腐竹薏米雞蛋糖水，兩款都係買$15，而我就買咗番薯糖水做飯後甜品，個糖水大少少薑味，甜度適中，唔錯唔錯
而家除咗豆漿之外仲有冰鎮奶茶$12，茶香奶滑，十分出色，拍得住茶餐廳飲既奶茶 另外仲買咗兩個包留返聽日做早餐，唐記既包面粉同餡料比例做得啱啱好，而且大大個，十分抵食
食咗以上咁多嘢，加埋都係$99，非常划算，唔怪得我見到遊客都排隊買
大少 奶 豬軟骨 在 大少奶食譜 - Pinterest 的推薦與評價
Apr 12, 2016 - Explore Patrice Heung's board "大少奶食譜" on Pinterest. See more ideas about food, ethnic recipes, ... 軟骨變牛筋(附豬軟骨食譜) | 大少奶 ... ... <看更多>