［失業率咁升，總統仲連任到？］美國史上冇一個總統，可以在失業率咁升法下連任成功。如果侵侵做到就創造歷史了。
TL；DR：It's the economy, stupid。美國總統連任，同失業率極大關係。咁望落去，侵侵就危危地了
1. 美國嘢唔熟，或者大把人熟，有錯可插，唔好咁大力。
2. 呢個圖，1932年以嚟，競續連任嘅美國總統。選舉前一年嘅失業率，同埋選舉年嘅失業率，比較下升定跌，升跌幾多。然後睇返連任成唔成功，同埋普選票。
3. 首先，美國總統，好少會唔競續連任。任內死咗或者免職嘅唔計，有得競續連任嘅，極少主動放棄。近代數得出名嘅，好似一個都冇。其實好易估到，人性嘛，權力梗係想拎耐啲，坐得咁過癮點解要畀你玩？況且亦都係要build legacy，你見評價史上最勁嘅美國總統，排頭十嘅好似都冇一個係玩得一屆嘅（當然亦係雞同蛋，做得好咪連任到）
4. 另外，美國總統，連任優勢好大。你見呢個表入面，15個競續連任，11個成功。原因好多，包括可以用資源，可以打擊對手，仲有多數唔使初選撕裂一大輪。
5. 好啦，睇圖睇到，集中睇第三個column。大選年間（12個月）失業率跌嘅，差不多全部連任成功。只有一個例外。掉轉，失業率升嘅，暫時只有三個，全數連任失敗。
6. 而家離大選仲有半年，但正路地，失業率必定遠高過舊年，高好多添。你睇歷史，侵侵連任嘅機會，就相當細了。
7. 不過留意返，最後嗰個column係普選票。留意返，咁多次競續連任，冇出現過普選票輸但選舉人票贏之類嘅鬧劇。侵侵對希拉里固然大家都唔係連任，上手係奧巴馬。小布殊對戈爾嗰次兩個亦唔係連任，上手係克林頓。而睇返，個表冇講，但望落，好似你見普選票分野多少，同失業率升跌幅，都有啲關係嘅。
8. 即係，侵侵競續連任，失業率大升就係定局，跟個表就普選票都輸咗九成，但上次一樣係輸普選票贏選舉人票啫。定甚至普選票都會贏到，創造歷史？失業唔緊要，最緊要feel good
9. 順手講埋，連任失敗嗰四位。都幾出名
10. 最神化，當然係1976年嘅福特。少少背景，佢係接手尼克遜嘅，尼克遜在水門事件後辭職（事實冇畀人彈劾，佢自己及時起身）。福特接手後，特赦咗尼克遜。失業率最尾嗰年係跌，但之前經濟都認真唔掂。最後少少票數之前，輸咗畀卡特
11. 過癮嘅係，你睇到了，1976年卡特選到後，到1980年，又連任失敗！任內你見到失業大升，滯脹，通脹失控。大比數輸咗畀列根。
12. 另外兩位，先講近期少少嘅，1992年，老布殊。外交軍事上真係時勢造英雄，波斯灣戰爭搞掂伊拉克，蘇聯解體，冷戰結束。但就係衰經濟。對手正係講It's the economy, stupid嘅克林頓。而老布殊自己上任時講明Read my lips: no new taxes，不過結果任內被迫加稅（兩院都畀對手民主黨控制），亦係敗因。
13. 最遠嗰位，亦係最惡名昭彰嘅一位。胡佛。大蕭條，講完。輸到趴，輸畀小羅斯福。而在後世評價中，胡佛多數都排到好尾。一般排頭嘅，就係華盛頓，林肯，大小羅斯福，杜羅門，艾森豪威爾。打後係JFK，列根，克林頓等等。
14. 最後講埋，四個連任失敗嘅，三個係共和黨的。只得卡特一個係民主黨。
15. 不過世事無絶對，以我理解，照計今次係極少數情況，總統可以將失業率大升，推去其他國家身上。
———————
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
大小羅斯福 在 獅子王KTV 的推薦與評價
獅子王KTV位於公館羅斯福路四段200號2樓，全新開幕全新品牌的KTV，提供您聚會歡唱的好地方，我們在不同時段提供不同的優惠歡唱方案，歡迎您隨時關注我們的動態台北市 ... ... <看更多>