英國大學改革，拜拜學店同垃圾學位
（為咗新一代，教育改革係要咁）
呢個疫情終於燒到英國大學，停學一毫子學費都唔減已經令啲大學生癲晒，依家好大學仲要同政府求救。好啦，英國政府黎個順水推舟，短期財政支援之後，就要求啲大學徹底改革，Cut走啲唔等洗嘅課程。點解呢？
因為依家英國本地大學生平均一年要比差唔多九千幾鎊學費，即係一個學位剩學費就要差唔多三萬鎊。英國好大部份嘅學生都要問政府借錢交學費，相信好多年青人都明以依家職埸份人工，還完Grant Loan加日常洗費係幾咁慘，而且三萬鎊响英國响好多地區係夠比首期有突。嗱，政府就發現一個好大嘅問題喇，原來英國有34%嘅畢業生根本係做緊啲唔需要大學畢業嘅工作，而數據上咁啱每年又差唔多有四成畢業生係還唔到Loan。
即係咩呢？嘥咗政府資源之餘，嗰堆年青人一來一回又輸咗青春、時間同錢，讀咗唔應該讀嘅嘢。邊個賺咗呢？就係經過審視之後，就係啲大學為咗收多啲學生，搞咗好多唔等洗嘅課程。唔好忘記，英國好多企業（例如車廠、工業同工程類）係有學徒制，同時亦有專門職業訓練學院。咁呢班大學搞咩呢？都仲未講明貪圖留學生嗰啲Mickey Mouse Degree。
喂，通材教育緊係好聽㗎喎，但係職埸同金錢係最現實，其實好多學生自己都知，拗咗好耐。況且網絡時代加上經歷疫情隔離，咪話未來咁科幻，就算依家有好多嘢根本响網上自學都得。有咩理由為咗大學自己玩大咗，要三四成年青人繼續浪費青春金錢？
#大學精英制回歸
報導：
《Financial Times》
https://on.ft.com/35IzMJX
*********************************
支持Patreon係本Page嘅支柱：
https://www.patreon.com/goodbyehkhellouk
*********************************
