【平民菜式、矜貴食法】🐔
豉油蛋撈飯，可以話係香港的地道家常便飯，細個媽媽煎好荷包蛋，淋幾滴豉油就成為一味餸。
今次我就整咗個【升級版~豉油蛋撈飯】，用上日本頂級雞蛋 #蘭王卵🥚，特別在於可以生食，因為每一隻雞都用非常多嘅天然飼料精心培育，絕對唔係食雞糧咁簡單，日本人由飼養到製作過程都非常認真，確保飼料可安全食用。
💭生食唔怕有沙門氏菌？
原來經過研究，沙門氏菌的岀現與雞的壓力有很大關係。如果一隻雞的生存環境差，壓力就會大，對細菌、疾病的抵抗力就會變弱，更容易染上沙門氏菌。
所以，日本每隻雞都有自己的房間，有恆溫暖爐
(比香港人還幸福😭)
而所有的雞蛋必須經GP中心篩選評級後，才能運送去包裝，當中一共有10個步驟對雞蛋進行嚴格的品質監控，即使已包裝好，也可以憑編號查岀雞蛋的父母是誰。
因為食用的飼料不同，每隻蛋黃都是深紅色，日本國內嘅餐廳一般都用來拌飯。除了 #蘭王， #伊勢雞蛋、 #朝一雞蛋 都係可以生食的牌子。
今次用上 叁拾士多 的 #夠抽，試下就咁點來食，頭段好濃好好食，但呑咗落去喉嚨竟然一d咸味都無😳，真係有諗過大啖飲來試真d😂，最後加上即製煙肉碎，碗飯香到離哂譜😂今次意外地配上泰國米岀奇地夾，泰國偏瘦偏乾身，無索到濃濃的蛋黃汁，食起上來唔會一pat pat無質感😂
💖蘭王蛋生食可全蛋食，如果只用蛋黃撈飯會更香濃，蛋白可以煎熟，我今次用了煎煙肉碎剩下的油去煎蛋白🙈
💖可以撈飯、撈麵、撈烏冬😆我仲有諗過點麵包食😂😂
蘭王蛋有唔少小店有得賣，可以上網搵下，今次我連埋夠抽都係喺石門的 G2 FOOD 一次過買到😆
無咩事我再去撈多隻先🤭👋🏻👋🏻👋🏻👋🏻👋🏻
#頭油撈飯 #生食雞蛋 #蘭王 #日本雞蛋 #夠抽香港製造
夠抽香港製造 在 綿香食品有限公司- 「夠抽」「蒜爆」「勁蔥」一門三傑香港品牌 的推薦與評價
「夠抽」「蒜爆」「勁蔥」一門三傑香港品牌，綿香優質精心製造，真係無論食乜都幫到手！ 「夠抽」醬油，精製調味，超凡味道，屋企公司總要有佢！ 無論配燒賣咁簡單， ... ... <看更多>