＃請廣傳再說
＃最後呢幾日賣完就算
有時有d野我真心唔識：好似英國燒衣紙拜土地公係咪有效，係英國有冇衣紙賣。手機係咪真係會漏電電死人，我係真心唔識又覺得google 冇效咪問下網友。
當然我都只係當參考，一個說法，整理一下思緒。
信唔信，係咪真係有參考價值，都真係見人見智。咁都要畀人批鬥話我「串人」係英國用衣紙。佢地係真係未見過我串人？定係其實我平時串人果陣唔夠串，畀人覺得我果d 咁基本既問題都係串？
佢地真係好似未見過我串人。
講串，我估我都可以好串咁講，我應該做過好多野，佢地果堆左膠，果堆人生最大既成就就係做過大學學生會既人，平日係度等我出錯然後出手，做「泛民打手」黎賺一餐半宿既社會寄生蟲呢輩子都冇做過既事。
遠既唔好講丫，剩係講呢兩年，＃由零開始 起一個本土製作既brand，佢地做過未？今日風師兄講左一句好中，左膠應該係呢世都未返過一份工。我肯定，佢地除左靠課金生存，要佢地實實在在咁做野，我估佢地係做唔到既。好似講左幾年，有間左膠鋪話想做中秋禮包，問我拎d 貨，然後又叫我「幫下手」推下post。有時係為 ＃慈善 既（好似果個泰國代購捐錢去買呼吸機，我自己都免費推左，都叫籌到幾萬蚊。唔多，都應該夠救到兩三個人卦？我希望），有時我覺得係好既，我都會象徵式收返成本價幫人做。
好啦，對上果次，貨就預左，然後個禮盒個plan 都未見。不了了之。有d 人都唔見埋。開會開左幾次都可以唔覆whatsapp，好似果d 渣男渣女情人咁話唔見左就唔見左。你話點再同呢d so call 黃店合作？
好在既係，我預貨預得都唔算多。就唔會責倉。
出黎做野，我唔係神人聖人，我都有野唔識，我都會撞板。不過當我撞板既時候唔大鑼大鼓出黎講，只係畀我做到既野大家睇，大家就以為我好一帆風順其實就肯定係錯錯地架啦。
我真係誠心誠意，真真實實咁做，而當做出成果之後，我會好好咁話畀大家知，冇好多人幫手，我係冇辦法想像有幾多辛苦幾難搞既。剩低既少少貨尾，都係放係呢度賣，賣完就收工。
有網友問，今年年尾會唔會有，我唔敢講。講真，幾個月好快過。我覺得一份好既沐浴用品，可以令大家每一日都有少少充電感，我覺得已經係贏左少少。我講過，2020會好大件事，2021都唔會特別好。大家都係靠少少消費券，買下野等開關等回復正常。你有幾個朋友做零售就知佢地幾恨大陸d 財神一個一個湧黎香港買返以前佢地賣開既野。你再望望朗豪坊，銅鑼灣d 大場都轉做本土手作仔「市集」你就知佢地賺少左幾多，同埋會講到個市幾唔掂。而家都唔好好咁做定d 基本既基建工程，就真係對唔住下一代啦。
要留住「香港」有好多方法，做有質素既「香港製造」係我選擇既方法。而最重點既係，我唔係賣緊光環，我係賣緊實業。
實業係香港根本冇人做。寫文要呃like，最好賣光環，錢就滾滾來。做實業？「你推幾多個post？ 寫幾多隻字先有果幾百蚊？我bitcoin一個價位都係度啦！」有d 朋友既朋友睇唔起我果陣會咁講。但講到最後，你用既食既，都唔係bitcoin。生活係需要實物，需要實務，需要實業，才有實感。希望大家都明白。
最後100支，要入定貨就好入定了。有很多東西可以做的時候就要做。問我年尾會不會再有，會不會成為常設商品的，倒不如在可以買的時候多買一點吧。反正這東西保存期有一年半左右，可以用到過年的時候了。
https://bit.ly/Z1S42021
基建工程 在 中國逆天基建工程，用火箭造出世界第一高懸索大橋 - YouTube 的推薦與評價
中國逆天 基建工程 ，用火箭造出世界第一高懸索大橋，至今無人超越本期科普知識介紹：說起火箭大家都會連想到衛星，因為火箭就是發射衛星或者航天器的助 ... ... <看更多>